O alcalde de Ribadeo confía en que o novo goberno galego siga adiante co proxectado para o municipio

RIBADEO .- O alcalde de Ribadeo, o nacionalista Fernando Suárez, confía en que o novo goberno da Xunta siga adiante co proxectado para o municipio. A construcción dunha subestación eléctrica para o futuro polígono industrial, unha gardería infantil, un albergue de peregrinos no casco histórico, un centro de día para enfermos de alzheimer e a mellora da rúa Deputación son algunhas das actuacións máis destacadas que tiña proxectadas para Ribadeo o actual goberno en funcions da Xunta. O alcalde, o nacionalista Fernando Suárez, confía en que o novo goberno autonómico, do Partido Popular, siga adiante con esas obras. Así o manifestou o rexedor municipal ribadense nunha entrevista na emisora de radio Onda Cero A Mariña (102.3 FM) hoxe, martes.
Por outra banda, José Carlos Rodríguez Andina, portavoz local do Partido Popular, principal grupo de oposición en Ribadeo, anunciou que seguirá apoiando ao goberno local en todo o que sexa positivo para o municipio. Dixoo tamén hoxe, martes, en declaracións a Onda Cero A Mariña.