BARREIROS (FNC) .- O BNG de Barreiros convoca ás asociacións veciñais a unha xuntanza que terá lugar este venres para analizar os problemas que lles están a ocasionar as obras da A-8. O edil Xesús Díaz lembra que a súa formación “solicitou a creación dunha comisión de seguimento sobre as obras da A-8 en Barreiros en novembro de 2008 e penso que nos equivocamos, non pola idea que tiñamos nós de mirar as obras, de buscar solucións en contacto con veciños e coa alcaldía, pero a alcaldía non quería que se celebrara esta comisión e dende ese momento todo foi dar para atrás a dita comisión”.
Os nacionalistas engaden que “nesa primeira reunión quedou en que ía avisar aos veciños para que se puxesen en contacto con nós e nunca se puxo en contacto o alcalde con eses veciños. Quedouse en que se dirixiría ás empresas COMSA, OHL… nunca se dirixiu a elas nin a Fomento. Quedouse en que íamos facer reunións da propia comisión unha vez ao mes e dende aquela e estamos en marzo non houbo ningún outro encontro e as últimas declaracións do alcalde foron que él ía facer o que lle dera a gana e que os arranxos se farían como el vira, e que pasaba olimpicamente da comisión, en dúas palabras”.
Xesús Díaz sinala que “a nosoutros istos non nos parece de recibo nin nos parece ben, e si nosoutros nos equivocamos daquela foi porque debiamos ao mellor dirixirnos aos veciños porque si que nos están facendo chegar as súas queixas e os problemas que lles están a ocasionar estas obras… entón debímonos dirixir directamente aos veciños sen contar para nada coa alcaldía porque nos está a sabotear a comisión”.
O concelleiro do BNG en Barreiros manifesta que “desde o Bloque agora sí que fixemos esta segunda opción e enviamos a todas as asociacións de veciños das parroquias polas que discorre a autovía unha comunicación convocándoos a unha xuntanza que imos ter o vindeiro venres 27 de marzo ás nove da noite no local do Bloque en San Cosme. A intención é que entre eles mesmos e nosoutros poidamos tentar amañar os problemas que están quedando coas obras da autovía xa que o alcalde non llelos soluciona. Convocamos tamén a todos os veciños que se consideren implicados, a outras plataformas… porque desde a alcaldía están botando todo para atrás e o alcalde vai facer o que llea a gana”.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
