FOZ.- O IES de Foz acadou o primeiro premio do apartado de cociña e o primeiro e segundo galardón na modalidade de coctelería, do X Concurso de Cociña e Coctelería José Rodríguez-Moldes Rey que organiza o Instituto de Educación Secundaria Fraga do Eume de Pontedeume.
O primeiro premio de cociña está dotado de 700 euros en material bibliográfico relacionado co mundo da gastronomía. No apartado de coctelería o primeiro premio consiste en material bibliográfico por valor de 350 euros, e o segundo conta con material valorado en 175 euros. Ademais, todos os premiados recibiron un trofeo e un diploma.
Referencia
O IES de Foz faise co primeiro premio nas dúas modalidades do X Concurso de Cociña e Coctelería José Rodríguez-Moldes Rey
O director xeral en funcións de Formación Profesional e o delegado en funcións en A Coruña participaron na entrega destes galardóns, que organiza o Instituto de Educación Secundaria Fraga do Eume de Pontedeume
O IES de Foz obtivo o primeiro posto no apartado de cociña, así como o 1º e 2º posto no de coctelería; mentres que o 2º premio da modalidade de cociña foi compartido entre o IES de Vilamarín e o IES Manuel Antonio de Vigo
Nesta edición o apartado de cociña consistiu na elaboración dunha tortilla de patacas con produtos de agricultura ecolóxica, e unha elaboración creativa a base de longueirón de Fisterra
O concurso de coctelería valorou a destreza e técnica dos participantes
Santiago, 12 de marzo de 2009.- O director xeral de Formación Profesional e Ensinanzas Especiais en funcións, Antonio Vázquez, e o delegado provincial da Consellería de Educación en A Coruña en funcións, José Manuel Mouriz, participaron hoxe na entrega de premios do X Concurso de Cociña e Coctelería José Rodríguez-Moldes Rey, que organiza o Instituto de Educación Secundaria (IES) Fraga do Eume de Pontedeume. O primeiro premio do apartado de cociña recaeu no IES de Foz (Lugo), mentres que o segundo foi compartido entre o IES de Vilamarín (Ourense) e o IES Manuel Antonio de Vigo. Na modalidade de coctelería tanto o 1º como o 2º galardón foron a parar a estudantes do IES de Foz.
Nesta edición, o apartado de cociña consistiu na elaboración dunha tortilla de patacas, realizada exclusivamente con produtos de agricultura ecolóxica, e unha elaboración creativa a base de longueirón de Fisterra. Na sección de coctelería a proba valorou a destreza e técnica dos participantes.
As probas realizáronse durante toda a mañá, na modalidade de cociña por parella, e na de coctelería de xeito individual, e tralo concurso celebrouse un xantar no que se fixo entrega dos galardóns. O 1º premio de cociña está dotado de 700 euros en material bibliográfico relacionado co mundo da gastronomía; e o 2º dun total de 350 euros. No apartado de coctelería o 1º premio consiste en material bibliográfico por valor de 350 euros, e o 2º conta con material valorado en 175 euros. Ademais, todos os premiados recibiron un trofeo e un diploma.
O xurado da proba de cociña estivo presidido por Pepe Varela, crítico gastronómico e redactor xefe de La Voz de Galicia. Entre os seus membros tamén se atopaban Luisa Barro, xerente e representante da Asociación de Empresarios de Hostalaría de Ferrolterra; Jano Blanco, xefe de cociña do restaurante Playa Club de A Coruña; Carlos Gayoso, copropietario e responsable de cociña dos establecementos Gaioso Restaurante e Gaioso Taberna de A Coruña; e José M. Fontán Araujo, xefe de cociña do complexo Pazo de Vilaboa, en Vilaboa (A Coruña). O xurado de coctelería estivo composto por un profesor de cada unha das escolas de hostalaría participantes, un representante da Asociación Galega de Barmans (AGABA) e outro da Asociación Galega de Maitres e Técnicos en Hostalería (AMAIGA).
Unha iniciativa que naceu no ano 2000
O Concurso de Cociña e Coctelería José Rodríguez-Moldes Rey naceu no ano 2000 como homenaxe a un querido profesor do centro falecido o ano anterior e que dá nome ao evento. Esta competición diríxese a todos os alumnos dos centros galegos que imparten ensinanzas de ciclos formativos de Hostalería. Nesta ocasión participaron no concurso estudantes dos seguintes centros: IES Paseo das Pontes (A Coruña), IES de Foz (Lugo), IES Sanxillao (Lugo), IES de Vilamarín (Ourense), Centro Integrado de Formación Profesional (CIFP) Carlos Oroza (Pontevedra), IES Manuel Antonio (Vigo), CIFP Compostela (Santiago de Compostela), a Escola de Ensinanzas Elementais da Escola Naval de A Graña (Ferrol), e o propio IES Fraga do Eume.
O obxectivo deste concurso é promover iniciativas onde os alumnos demostren a súa creatividade e coñecementos adquiridos na etapa formativa, contribuíndo deste xeito á mellora da calidade da oferta hostaleira e turística da Comunidade; así como promocionar os produtos e a cociña de calidade da Comunidade Autónoma.
Outras das finalidades son propiciar o intercambio de experiencias de todos os centros de Hostalería da Comunidade galega, e desenvolver unhas xornadas formativas abertas aos empresarios do sector. Así, o concurso acompáñase de charlas e obradoiros prácticos de demostración, dirixidos aos alumnos e alumnas de todos os niveis do centro educativo.
Desde a súa creación o formato do concurso foi variando lixeiramente, coa preparación de produtos como robaliza, coello, mexillón, polbo, pataca de Galicia, lacón galego, xarda, empanada, vieira, verza, algas e ostras no apartado de creación; e de caldeirada de raia e polbo á feira, no apartado de receita tradicional.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
