Acceso a A8 desde A Devesa
RIBADEO (FNC) .- O alcalde de Ribadeo, Fernando Suárez, está desgustado coa actitude que o Ministerio de Fomento está a ter con esta vila despois de negarlle a construción dun novo acceso desde A-8. O rexedor considera que “empezamos esta semana cunha mala noticia por parte do Ministerio de Fomento para con Ribadeo”. Suárez Barcia lembra que “nós presentamos unha proposta que non foi outra que aquela que hai poucos meses a Corporación por unanimidade acordou dirixirse a Fomento para que estudaran a posibilidade de construír un novo acceso a Ribadeo desde a autovía do Cantábrico, dado que actualmente desde Asturias en sentido Galicia hai dúas saídas e desde Galicia en sentido Asturias só temos unha, que é a que está ás portas do que é o Ribadeo urbano, onde vai estar o polígono industrial”.
O rexedor engade que “fixemos de bo grao esta petición e eu mesmo transmitínlla en man á anterior ministra de Fomento na inauguración do tramo de Barreiros e agora vexo con desagradable sorpresa o desapego que ten Fomento con Ribadeo, dado que o venres chegoume un comunicado asinado polo enxeñeiro xefe da Demarcación de Estradas de Galicia dicindo que non hai lugar a isto. Recoñece que xa foi pedido ese acceso no 2004 e que agora de novo se volve a pedir e que xa foi denegado pola Dirección General de Carreteras”.
A Fernando Suárez isto parécelle “unha actitude desleixada por parte da administración periférica do Estado que chega a ser hostil con Ribadeo e eu creo que debemos contestar con tranquilidade e serenidade, pero con contundencia. E eu mesmo como alcalde de Ribadeo vou contactar con representantes do partidos políticos no Congreso para que a través dos seus grupos, PSOE, PP, BNG… presenten proposicións non de lei para que o Goberno do Estado lle faga caso a Ribadeo”. O alcalde di que “me parece que tendo que aguantar cos estragos que as obras da autovía lle ocasionaron a este concello e todas as voltas que tivemos que dar para que nos fixesen caso, e que agora vemos ademais que non se dignan a estudar un acceso central a Ribadeo, creo que teñen unha actitude un pouco desleixada con nós. E creo que non podemos permitir desde o punto de vista institucional e formal que isto aconteza en Ribadeo”.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
