Burela, 20 de abril de 2026. DeWayne Russell e Salva Arco, do CB Breogán, visitaron este luns ás persoas usuarias da Fundación Eu Son de Burela. O deputado Daniel García, o tenente alcalde de Burela Mario Pillado e a concelleira de Servizos Sociais e Igualdade Sandra Fernández Cillero acompañaron ao base estadounidense e ao director xeral do club celeste nesta actividade, impulsada pola Vicepesidencia da Deputación.
Russell e Arco percorreron os distintos espazos de traballo e lecer da Fundación Eu Son, onde tiveron a ocasión de conversar coas persoas usuarias e coñecer de primeira man as tarefas que desenvolven nos talleres de cerámica e de serigrafía, onde elaboran agasallos e accesorios con deseños propios.
Sandra Fernández Cillero sinalou que “foi un enconto moi enriquecedor e agradeceu a cercanía e boa disposición dos representantes do Breogán, que en todo momento se interesaron polas actividades da Fundación Eu Son”. “Desde o Concello de Burela, queremos agradecer e poñer en valor este tipo de iniciativas que favorecen o intercmbio de experiencia e crearn espazos de convivencia, participación e ilusión para as persoas usuarias da Fundación”.
Daniel García explicou que “a colaboración que mantemos con CB Breogán desde Vicepresidencia da Deputación permitennos ogranizar actividades coma esta que xeneran unha gran ilusión e interese en todas as partes, como vimos esta mañá” e destacou que “esta visita busca tamén recoñecer a labor que a Fundación Eu Son realiza en Burela e na Mariña, ofrecendo oportunidades de benestar e desenvolvemento a persoas que o precisan”. Nese sentido, subliñou que “a inclusión e os coidados son piares da sociedade que temos que soster colectivamente”.
A Fundación Eu Son, dedicada a mellorar a calidade de vida de persoas adultas con discapacidade intelectural da comarca da Mariña, conta con 47 persoas usuarias e 13 traballadores.
A visita ao centro desenvolveuse no marco do acordo de patrocinio co que a Vicepresidencia da Deputación de Lugo apoia ao CB Breogán e que inclúe, entre outras accións, a participación do club en iniciativas de sensibilización e visibilización de entidades sociais ou de fomento do deporte e dos hábitos saudables e a posta en valor de recursos e espazos culturais, patrimoniais e ambientais da provincia.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
