MADRID .- Os alcalde do Concello de Ribadeo, Fernando Suárez, e o máximo mandatario do Concello de Barreiros, Alfonso Fuente, participaron en Madrid na manifestación en defensa do sector gandeiro convocada por sindicatos de todo o Estado. Desde A Mariña desprazáronse a Madrid catro autobuses cuns 200 gandeiros de te toda a comarca.
Nota de Prensa
O alcalde de Barreiros acompaña os gandeiros que se manifestaron en Madrid en defensa do sector
MADRID (FNC) .- O alcalde de Barreiros, Alfonso Fuente, desprazouse a Madrid para acompañar ós gandeiros barreirenses e do resto da comarca da Mariña que esta mañá se manifestan na capital de España en defensa do sector gandeiro. Fuente Parga sinala que “a nosa gandería en Barreiros é moi importante, é un sector con moitos recursos e que lle aporta moito ó noso concello e había que estar aquí con eles”.
O rexedor de Barreiros considera que “o sector gandeiro e o sector lácteo atópanse nunha situación moi complicada e non ven unha solución e unha saída próxima a esta crise de aí que decidisen viaxar, manifestarse e amosar o seu malestar por todo o que lles está a ocorrer. Por iso eu máis outros alcaldes da Mariña decidimos acompañalos nesta xornada”.
Segundo os datos dos que dispón o alcalde de Barreiros uns 200 mariñáns acudiron a esta convocatoria que se celebra en Madrid. Ademais do alcalde de Barreiros, viaxaron os rexedores de Trabada e de Ribadeo e unha representación municipal de Lourenzá.
Nota de Prensa
O alcalde de Ribadeo considera que a crise do sector lácteo pode provocar o peche de moitas explotacións agrarias.
MADRID (FNC) .- O alcalde de Ribadeo, Fernando Suárez, participa en Madrid na manifestación en defensa do sector gandeiros que convocaron os sindicatos de todo o Estado. O rexedor sinala que “acudín coma alcalde, pero tamén como veciño aproveitando esta convocatoria unánime de todos os sindicatos agrarios, sobre todo por esta situación grave penso que como nunca ten atravesado o sector do agro e o sector lácteo concretamente”.
Suárez Barcia di que “este sector segue a ser estratéxico para nós e para a nosa comarca, a pesares de que se reduciu nos últimos anos, xa que xera traballo directo pero tamén moito emprego indirecto e si un entramado social se nos vai abaixo Iso repercute en todos os demais”. O alcalde ribadense explica que “polo tanto a nosa presencia aquí é de apoio ao sector e tamén para dar un toque de atención ao ministerio para que non permita ese dumping… esas vendas de tantas toneladas de leite que entran no Estado español a prezos moito máis baixos do que costa producir e iso cando menos é unha práctica ilexítima e fraudulenta. E desde logo Iso provoca, ademais de prezos insostibles, a ameaza indirecta de que o leite pode quedar sen recoller en moitas explotacións gandeiras”.
Fernando Suárez considera que “todo isto de non buscar unha solución en breve podería provocar un peche en cadea de explotacións coa conseguinte perda de emprego tanto de postos de traballo directos coma indirectos”.
Catro autobuses partían a pasada noite das inmediacións da cooperativa ribadense Os Irmandiños cuns 200 gandeiros de Ribadeo e doutros puntos da comarca para participar na manifestación que esta mañá percorre as rúas de Madrid para rematar diante do Ministerio de Medio Ambiente, Medio Rural e Mariño.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
