BURELA (FNC) .- O alcalde de Burela, Alfredo Llano, enviou hoxe sendos escritos á Consellería de Sanidade e á Xerencia de Atención Primaria de Lugo para pedir un pediatra a tempo completo para o centro de saúde de Burela. O rexedor considera que “esta solicitude está moi demandada polas familias que agora teñen que desprazarse a San Cibrao para contar con este servizo”.
Llano lembra que “nós tiñamos unha pediatra que consultaba dúas horas diarias, porque é unha pediatra de zona non integrada e resulta que leva de baixa desde decembro, e hai hai outra pediatra que se despraza a Burela dúas horas á semana unicamente, pero pasar as revisións dos nenos sans, para facer pesaxes, medicións, etc… xa que para consulta por enfermidade seguen acudindo a San Cibrao”.
O rexedor sinala que “dado que en Burela temos en idade pediátrica a 1.229 persoas de 0 a 14 anos, consideramos que esta petición se xustifica por sí soa para que teñamos un pediatra a tempo completo de 8 a 15 horas como é normal e tamén queremos seguir contando con esta pediatra que xa temos na actualidade. Consideramos que é unha petición de xustiza e que esto está avalado por moitas familias que queren contar cun servizo sanitario público que noutros concellos menores funciona perfectamente”.
Alfredo Llano recoñece que “isto xa debera estar funcionando en Burela, pero agora mesmo está xustificado pola demanda que hai e pola poboación que vai seguir medrando. Espero que nos fagan caso rapidamente, pero senón é así teremos que volver a insistir para que esta praza sexa cuberta o antes posible”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
