CERVO .- O Alcalde de Cervo, Alfonso Villares, mantivo unha xuntanza con directivos da empresa Alrogal, situada no polígono de Cuíña e dedicada á produción acuícola de rodaballo, aos que lles transmitiu que mediará ante a Xunta, para mudar o punto de vertido do emisario de augas residuais previsto no proxecto de saneamento, co fin de facilitar o futura da empresa.
Nota de Prensa
O proxecto elaborado polo anterior Executivo autonómico contemplaba a construción dun emisario submarino que finalizaba na zona de captación de augas de ALROGAL, o que poñía en perigo a viabilidade futura da empresa acuícola e a continuidade dos postos de traballo que contribuíu a xerar.
O ALCALDE MEDIARÁ ANTE A XUNTA PARA MUDAR O PUNTO DE VERTIDO DO EMISARIO DE AUGAS RESIDUAIS PREVISTO NO PROXECTO DE SANEMANTO INTEGRAL DE SAN CIPRIAN
• O rexedor municipal quixo transmitir unha mensaxe de tranquilidade aos directivos da granxa de rodaballo e aos seus traballadores, pois a nova Xunta desenvolverá as modificacións oportunas por ser “de sentido común e técnica e economicamente viables”
• O compromiso do Goberno municipal é que o novo saneamento integral de San Ciprián non se poña en funcionamento ata que se solvente esta problemática xurdida pola “tacañería” do anterior Executivo autonómico.
Cervo, 09 de maio de 2009.- O Alcalde de Cervo, Alfonso Villares Bermúdez, mantivo unha xuntanza con directivos da empresa ALROGAL situada no polígono industrial de Cuíña e dedicada á produción acuícola de rodaballo. O devandito encontro tiña por obxecto transmitir a vontade do rexedor municipal de xestionar ante a Xunta de Galicia a construción dun novo emisario submarino distinto do que hoxe aparece no proxecto de saneamento integral de San Ciprián.
As obras deste novo saneamento, segundo o proxecto elaborado polo anterior Executivo autonómico contemplaban un emisario de augas residuais que finalizaba nunha área sensible, por tratarse do espazo de captación de augas da piscifactoría e, polo tanto, de levarse adiante nestas circunstancias, poría en perigo a viabilidade da empresa e a permanencia dos postos de traballo que ALROGAL contribuíu a xerar.
Xa no seu momento, o Alcalde de Cervo comprometeuse a mediar ante a Xunta para evitar este prexuízo á factoría acuícola sita en Cuíña pero, co cambio producido na Xunta de Galicia, Alfonso Villares quixo transmitir a garantía de que esta petición será tida en conta polos actuais responsables autonómicos. “Temos a seguridade –indicou o Alcalde- de que a nova Xunta atenderá as nosas peticións, porque son de sentido común e técnica e economicamente viables”. O primeiro edil de Cervo quixo facer chegar unha mensaxe de tranquilidade tanto á empresa como aos traballadores da mesma.
Alfonso Villares adiantou que os técnicos da Xunta de Galicia redactarán un novo proxecto, mudando o punto de vertido do emisario de augas residuais, algo que xa se debera ter feito pero foi imposible pola tacañería dos anteriores responsables da Xunta bipartita que só buscaban a forma de aforrarse cartos, e pagar menos por esta obra.
Ata que este problema estea resolto, o Concello de Cervo asume o compromiso de non poñer en funcionamento o novo saneamento de San Ciprián. Precisamente os responsables da empresa acuícola cervense e do Concello de Cervo manterán sucesivas reunións para tratar estes e outros asuntos no futuro.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
