CERVO .- Hoxe, ás 20.00 horas, na Casa da Cultura de San Cibrao, vai facerse a presentación do libro “As embarcacións tradicionais do Arco Ártabro a Ribadeo” , obra que xurdiu do traballo realizado para a exposición que leva o mesmo nome e que se está a exhibir actualmente na sala de exposicións do recinto cultural municipal da vila de San Cibro. No acto estarán presentes os profesores Bernardo Máiz e Enrique Freire, coautores do libro e comisarios da exposición, xunto con Ramón Rivas, presidente da Asociación Mar de San Ciprián, colectivo encargado da organización e montaxe da mostra que permanecerá aberta ao público ata o vindeiro día 31 en San Cibrao.
O libro, publicado pola editorial Embora, analiza o deseño de barcos, remos, velas e materiais de construción de embarcacións da costa norte galega. Amplíase o material exposto na mostra con novas fotos, fichas e textos, nos que se pode contemplar uns bos exemplos da riqueza patrimonial marítima de Galicia.
Tanto a exposición como o libro teñen a súa orixe no premio didáctico Antonio Fraguas, outorgado polo Museo do Pobo Galego a estudantes de bacharelato de artes do IES Concepción Areal de Ferrol. Dirixidos por Freire e Máiz, percorreron toda a costa galega recollendo tipoloxías e denominacións de embarcacións tradicionais, e analizando as diferenzas que se poden atopar ao longo da costa. Nese traballo, convertido primeiro en exposición e agora en libro, compáranse as embarcacións da Mariña de Ferrol coas de Ribadeo, botes de media construción con botes enteiros pulpeiros, traíñas con lanchas e moitos outros máis deseños da costa norte galega.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
Ao longo desta semana, máis de 40 científicas, divulgadoras, xornalistas e activistas participan nunha campaña simultánea en todo o Estado para achegar á cidadanía as consecuencias que os recentes ataques a Irán poden ter na vida cotiá. No marco desta iniciativa, celebrarase en Ribadeo un acto informativo o venres 17, na Escola Municipal de Música, ás 19:00 horas. Toda a información sobre o No Normal Tour está dispoñible en: 
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
O acto está organizado pola A.C. Francisco Lanza e contará coa participación de Dores Fernández Abel, en representación da entidade, xunto co autor da obra. Duarte Correa xa visitara Ribadeo no ano 2022 para ofrecer unha charla sobre a situación política internacional, centrada daquela na guerra de Ucraína. Nesta nova ocasión, o público poderá volver seguir a súa capacidade de análise e síntese, que lle permitirá ofrecer unha visión actualizada dun contexto xeopolítico en constante transformación.
A parada principal foi Cee, onde a expedición foi recibida no Museo Fernando Blanco, afondando nos vínculos históricos entre ambos municipios. Durante a visita, o director do centro destacou a “dobre conexión” entre Ortigueira e Cee, lembrando a figura de Manuel Rebollar, músico ortegán que dirixiu a Banda de Música de Cee entre 1927 e 1940. O recordo ao artista foi un dos momentos máis emotivos da xornada, ilustrando os lazos culturais que unen ás dúas localidades desde hai case un século.
