LUGO.- A Deputación aprobará no Pleno de mañá unha proposta para instar á administración do Estado e da Xunta a que adopten medidas competentes para garantir o futuro do sector lácteo. O ente provincial tamén anunciou que se asinará un convenio con TRAGSA para a construción dun centro de recría na Granxa Gayoso de Castro.
NOTA DE PRENSA
O Centro de Recría da Deputación triplicará a capacidade das14 explotacións existentes en Galicia adicadas a esta función
– Gómez Besteiro destacou que “se trata da grande aposta do organismo que preside polo sector, xa que disporá de 3.000 novillas, e permitirá optimizar a produción dos gandeiros”
– Ocupará unha extensión de 7 hectáreas e será un referente na xestión de animais e dos residuos, de tal xeito que dotará ás explotacións dun maior rango xenético, produtivo e sanitario
– O equipo de goberno aprobará no Pleno de mañá unha proposta para instar ás administracións do Estado e da Xunta a que adopten medidas competentes para garantir o futuro do sector lácteo
O Presidente da Deputación, José Ramón Gómez Besteiro, e a Presidenta de TRAGSA en España, María Luisa Graña Barcia, asinaron este luns o convenio de colaboración para a construción do Centro de Recría na Granxa Gayoso Castro. Gómez Besteiro adiantou algunhas novidades desta infraestrutura da que se está ultimando o proxecto, e que triplicará o servizo que ofrecen na actualidade as 14 explotacións de recría existentes en Galicia, que dispoñen dunhas 1.000 becerras. O responsable provincial destacou que “o Centro é a grande aposta da Deputación polo sector agrogandeiro, xa que disporá dunhas 3.000 novillas”.
Trátase do proxecto gandeiro máis revolucionario das últimas décadas levado a cabo na Comunidade Autónoma e ocupará unhas 7 hectáreas. De feito, o Presidente xa dixo en varias ocasión que para o organismo que preside “a vaca é o ladrillo de Lugo e representa para esta provincia o que Citroen para Vigo”. Ocupará unhas 7 hectáreas.
O 45% da cota láctea de Galicia prodúcese en Lugo e a provincia conta con máis de 80.000 becerras, pero tan só 14 explotacións se adican a recría na Comunidade Autónoma. Os datos demostran que este servizo é insuficiente e pouco rendible para os gandeiros. Ademais, coa crise estes vense obrigados a facer a recría cos seus medios, un custe que se incrementa se teñen que recurrir a centros doutras Comunidades Autónomas.
Neste senso, o máximo mandatario provincial explicou que a recría de gando concéntrase nas Neves, en Zaragoza, o que supón un desenvolso económico para os gandeiros de Lugo e de Galicia, que teñen que levar os seus animais, traelos e pagar unha mensualidade media de 80 euros por novilla, ademais da dificultade de adaptación dos animais polo cambio de climatoloxía.
“Por tanto, a súa posta en marcha permitirá facer máis rendibles e competitivas as explotacións gandeiras, anticipándonos á supresión das cotas lácteas en 2015; aumentar a calidade produtiva da explotación; ter animais cun lato nivel produtivo e xénetico; reducir os custes por cada becerra, así como na produción de residuos; e obter unha maior bioseguridade fronte á recría por compra”, engadiu o Presidente da Deputación.
Un centro referente na xestión dos animais e a nivel medioambiental
Pero a parte de servir de apoio á recría de gando frisón e ó sector lácteo, o Centro de Recría será un referente no modelo de xestión de animais e na xestión medioambiental dos residuos, de tal xeito que servirá para dotar ás explotacións dun maior rango xenético, produtivo e sanitario.
As novillas entrarán con 15 días de idade e sairán preñadas 1 mes antes do parto. O estancia no Centro inciarase co periodo de cuarentena que duraría 2 meses e no que os animais pasarán distintos controis sanitarios. Logo pasarán ás casetas comunitarias donde permanecerán ata os primeiros celos. A cubrición farase entre os 14 e os 15 meses. Por último, desde os 16 ata os 24 producirase a xestación; momento no que acadarán os 700 quilos aproximadamente e no que regresarán á explotación de orixe.
Gómez Besteiro explicou tamén que “terá un carácter diferencial e innovador”. Será un centro modelo para iniciativas privadas, e permitirá dinamizar o medio rural desde a ecosostibilidade. Pero, sobre todo, vai ser un centro referente no eido da investigación, en definitiva: un escaparate de I+D+I da provincia no que os alumnos de Veterinaria e doutras facultades poderán realizar prácticas no mesmo. Tamén servirá de apoio ó desenvolvemento tecnolóxico das empresas do sector.
Moción Pleno sector lácteo
O Presidente da Deputación tamén anunciou que o equipo de goberno aprobará no Pleno de mañá unha proposta para instar á administración do Estado e da Xunta a que adopten medidas competentes para garantir o futuro do sector lácteo.
Na moción solicítase á Xunta a poñer ó servizo das explotacións o Banco de Terras, para que estas dispoñan de máis superficie con posibilidades de aproveitamento; adoptar medidas de apoio ás cooperativas de leite creando un tecido industrial en base ás mesmas; e a posta en marcha dun grupo lácteo galego co fin de poñer en valor o leite producido no país.
Ademais, ínstase ó Goberno do Estado e á Xunta a coordinar actuacións destinadas a garantir a recollida do leite de Galicia, establecer axudas directas ós produtores para compensar o baixo prezo do leite en orixe en tanto non se recuperen os prezos no mercado, garantir a continuidade da industria transformadora existente en Galicia e, en concreto, na provincia de Lugo.
Asimesmo, ínstase ó goberno do Estado a propoñer na UE unha actuación decidida para regular os mercados e garantir prezos ós produtores de leite, para garantir a viabilidade do sector. O acordo comunicaráselle tanto Presidente do Goberno, como o da Xunta de Galicia, e ós grupos parlamentarios do PP, PSOE e BNG no Parlamento Galego e no Congreso dos Deputados.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
