LUGO .- A Depuatación avaliará os datos persoais nos concellos a través dunha auditoría contratada, según comunicou o deputado de cooperación cos concellos, Antonio Gato, asemade a Deputación presentará ás administracións locais o novo servizo de asesoramento integral aos concellos.
NOTA DE PRENSA
A Deputación contratou unha auditoría para avaliar a xestión de datos persoais nos Concellos
– Antonio Gato fixo este anuncio durante a presentación do Primeiro Encontro Provincial de Cooperación cos Concellos, que se celebrará o vindeiro luns no Pazo de San Marcos
– A Deputación presentará ás Administracións Locais o novo servizo de asesoramento integral ó Concellos
O Deputado de Cooperación cos Concellos, Antonio Gato, anunciou este mércores o I Encontro Provincial de Cooperación cos Concellos que se celebrará o vindeiro 15 de xuño, e no que se presentará ós Alcaldes e técnicos municipais o novo servizo integral de asesoramento ás Entidades Locais. “Este encontro é un claro exemplo de que estamos reinventando a Deputación cun único obxectivo: ser útiles e eficaces para acadar o progreso da provincia”.
Ata o de agora, “na Deputación partíamos case de cero, xa que só se prestaba asistencia en suizos, que non é o mesmo que asistencia xurídica”. Segundo apuntou Gato Soengas, o novo servizo estará dividio en tres grandes áreas: xurídica, económico-financieira e técnica. Esta última, estará integrada pola asistencia urbanística, novas tecnoloxías, xestión administrativa, xestión de recursos humanos, patrimonio, expropiacións, medio ambiente, arquivo e protocolo, ademais do desbroce das estradas e o Parque Móbil, “que antes estaba desmantelado e, en tan só este ano, temos tres novos equipos para atender ás estradas da provincia”.
“Deste xeito, non só prestamos asesoramento desde a Área de Coopración, senón que conseguimos que todos os departamentos da Deputación presten o seu apoio ós Concellos da provincia, ata o punto de que para efectivizar o proceso poderán facerse consultas en liña. Deste xeito, a de Lugo colócase na mesma posición que outras Deputacións que desde hai tempo xa contan con este servizo”.
Protección de datos
O Deputado apuntou que “desde a toma de posesión do actual goberno, a cooperación é o eixo de todas as políticas da Deputación, ata o punto de que o 90% do que facemos é cooperación cos Concellos. Neste senso, anunciou dúas novas actuacións, por unha banda, “a Deputación contratou unha auditoría para avaliar a xestión e protección de datos persoais en cada un dos Concellos da provincia” e, por outra, a convocatoria dun concurso “para xestionar conjuntamente a recadación catastral, que ata o de agora os Concellos facían de xeito individual; con esta nova prestación que ofrece o organismo provincial, os municipios aforrarán cartos”.
O encontro do luns, o primeiro destas características que se desenvolve na Deputación, está destinado fundamentalmente a Alcaldes da provincia, técnicos municipais, secretarios, interventores, tesoureiros e demais traballadores da administración local e provincial, aínda que será de entrada libre.
Tamén participarán o Presidente da Deputación de Barcelona, Antonio Fogué Moya, e de Laia Claverol Torres, coordinadora de concertación e asistencia local da administración catalana. “Será, por tanto, unha oportunidade perfecta e única para compartir experiencias coa administración de Barcelona, unha das máis punteiras de España na Cooperación”, dixo Gato Soengas
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
