BURELA .- Según indica o operador R, en Burela “xa poden recibir servizo parte da rúa Arcadio Pardiñas e outras como Camiño Real, Matos e Ril. Arestora estase executando obra civil na rúa Nosa Señora do Carme e de contado acometeranse as obras en Rosalía de Castro”. O alcalde de Burela, Alfredo Llano, indicou que “estamos apostando duro polas novas tecnoloxías para ofrecer un bo servizo a todos os cidadáns e tamén que exista competitividade á hora de elixir unha empresa ou outra. R veu presentarse ó noso Concello e aseguraron que están preparados para en pouco tempo dar servizo a 5.000 abonados. Isto será bo para Burela polas oportunidades que suporá para as comunicacións, para internet e para todo aquelo que é parte fundamental dos nosos fogares. Isto dará unha oportunidade de elección ós veciños e de poder disfrutar de algo que nos corresponde nos tempos nos que estamos”.
Nota de Prensa
O Concello de Burela xa pode recibir os servizos de R
Está previsto que uns 5.600 fogares e empresas de Burela dispoñan de conexión directa á rede de R para acceder aos servizos integrados de teléfono, internet de alta velocidade, televisión dixital e móbil R
Martes, 2 de xuño de 2009.- O alcalde de Burela, Alfredo Llano, Arturo Dopico, conselleiro delegado de R e máis Julio Sánchez Agrelo, director da división de rede do operador galego, explicaron esta mañá os detalles do acordo de despregamento da rede de R nesta localidade lucense, que dende este mes xa pode recibir os servizos de R. Deste xeito, Burela entra a formar parte do grupo de cidades e concellos galegos que dispoñen de conexión directa á rede de telecomunicacións de última xeración que o operador está a despregar en toda a comunidade autónoma.
R prevé levar os servizos integrados de teléfono, internet de alta velocidade, televisión dixital e móbil R a uns 5.600 fogares e locais empresariais de Burela. Cun investimento aproximado de 4,38 millóns de euros, R xa completou unha primeira fase das tarefas de despregamento de rede no núcleo urbano e dende finais de maio xa poden recibir servizo parte da rúa Arcadio Pardiñas e outras como Camiño Real, Matos e Ril. Arestora estase executando obra civil na rúa Nosa Señora do Carme e de contado acometeranse as obras en Rosalía de Castro. Prevese que todas estas tarefas de despregamento de rede rematen no mes de outubro. Teranse despregado, entón, uns 25 quilómetros de fibra óptica e arredor de 29 quilómetros de canalización.
Modernización coa fibra óptica
A posta en marcha do proxecto de R en Burela apoiouse na plena disposición e colaboración do concello desta localidade lucense que, dende o inicio, manifestou o seu interese por situar a súa poboación ao máis alto nivel en canto á dotación das infraestruturas tecnolóxicas, así como por facilitarlles aos seus cidadáns o acceso a todos os servizos da Sociedade da Información. O alcalde de Burela, Alfredo Llano, dixo que “como alcalde é unha satisfacción que os veciños e veciñas e as empresas de Burela poidan gozar dun servizo de telecomunicacións de última xeración e que sexa unha empresa galega e comprometida co país como R a que o leve adiante”.
Segundo Arturo Dopico, “R está a facer un esforzo por materializar o seu compromiso con Galicia e estender ao máximo número posible de cidadáns a infraestrutura de telecomunicacións máis avanzada a nivel mundial. Por iso, para nós é fundamental contar coa colaboración das administracións locais, como é o caso do Concello de Burela, de xeito que poidamos poñer a disposición de todos os galegos os novos servizos da Sociedade da Información”.
Máis velocidade e móbil R
Grazas á nova e potente rede de fibra óptica que R está construíndo, rúa a rúa, os habitantes de Burela disporán de chamadas gratis a todos os fixos estatais e de internet de alta velocidade constante por fibra óptica, que ten duplicado para todos os clientes dende o ano pasado (ata 12 megas). Ademais, o servizo de televisión dixital interactiva de R ofrece calidade de imaxe e son dixitais por fibra óptica, máis de 80 canles, guía e miniguía electrónicas de programación e múltiples posibilidades de interactividade. Así mesmo, tras pouco máis dun ano do lanzamento do servizo de móbil R, integrado na oferta de telecomunicacións do operador galego, R xa conta con máis de 40.000 liñas e é pioneiro no mercado do móbil ao comezar a ofrecer chamadas gratis a móbiles de calquera operador dende o teléfono fixo para todos os seus clientes de televisión dixital e gratis a móbiles R para todos os seus clientes.
R na provincia de Lugo
Ademais de Burela este mesmo mes, en 2008 R conectou á súa rede de fibra óptica aos concellos de Foz, Vilalba e Mondoñedo, que se incorporaron así, ao grupo de localidades que xa recibían os servizos de telecomunicacións do operador galego como Lugo, Monforte, Sarria ou Chantada.
Ao tempo, o operador galego ten previsto que se conecten á súa rede as poboacións de Ribadeo, Viveiro, Xove, Cervo e Barreiros ao longo deste ano para o que vai investir uns 20 millóns de euros de xeito que uns 23.000 fogares e empresas máis da provincia teñan acceso á rede de fibra óptica de R.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
