NOTA DE PRENSA
O GRUPO MUNICIPAL DO PARTIDO POPULAR DE GALICIA (PPdeG) no Concello de Viveiro a través do seu portavoz D. GUILLERMO LEAL ARIAS en base á lexislación vixente, presenta a seguinte:
MOCIÓN
As normas de carga e descarga de transporte escolar reguladas polo Real Decreto 443/2001 de 27 de abril, indican as responsabilidades dos transportistas, dos centros onde se escolarizan os menores e dos donos das vías públicas, da sinalización e dos controis de velocidade nas mesmas.
Na avenida de Martín Ledesma, onde deben parar os autobuses de transporte escolar dos institutos, existe un tramo de vía que vai dende a rotonda ata o paseo marítimo que non cumpre as normas debidas e te nun gran risco de que nela se produza un accidente escolar, polas seguintes razóns:
Sobre beirarrúa baixan cada día cerca de mil alumnos, esta beirarrúa estreita para o tránsito normal, ten que soportar ademais este grupo de alumnos nun curto espazo de tempo, sen espazo suficiente. Existe un risco latente de accidente, pois ao ser tan estreita os alumnos invaden a estrada e poden ser atropelados polos vehículos.
Aínda máis grave é o caso do estreito da calada que xa sendo estreita para dobre sentido de circulación de vehículos, non poden pasar durante os tempos de espera dos autobuses de transporte, na que pode haber ata dez autobuses estacionados ao longo desta vía. Como non está sinalizada para este fin, algúns vehículos particulares estacionan neste horario polo que alonga máis o espazo necesario para os autobuses escolares, que teñen que buscarse sitio lonxe da saída dos alumnos e polo tanto aumenta o risco.
Vista esta múltiple situación de risco e considerando que a poboación escolar debe de ser prioritaria á hora de realizar obras públicas de mellora, propoñemos:
Ampliación do ancho desta vía cun carril específico ao longo da mesma para que nel se estacionen os autobuses de transporte escolar e se permita a libre circulación de vehículos pola calzada. Así mesmo, realizar unha ampliación do ancho da beirarrúa.
Sinalización deste tramo vertical e horizontal, con limite de velocidade, paso de peóns e demais distintivos, segundo a normativa urbanística do Concello
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
