NOTA DE PRENSA
O GPPP DENUNCIA O CACIQUEO DO PSOE NAS AXUDAS DA DEPUTACIÓN ÁS ASOCIACIÓNS VECIÑAIS
* O voceiro adxunto dos populares afirma que se están anunciando as contías a percibir sen terse reunido sequera a mesa de valoración
* Os populares califican de “clientelar” e “partidista” o xeito de actuar por parte da administración provincial
Lugo, a 4 de xuño de 2009.- O Grupo provincial do Partido Popular denunciou o “caciqueo” que está a practicar o PSOE na tramitación das axudas da Deputación ás asociacións veciñais para a execución de pequenas obras.
O voceiro adxunto dos populares na Deputación, José María González Barcia, afirmou que son os concelleiros socialistas ou os responsables locais do partido os que tramitan este tipo de axudas. “Hai que pasar polo local do PSOE a narices”, afirma Barcia. Igualmente, asegura que a estas alturas xa hai asociacións que saben a cantidade que van recibir e eso que nin tan sequera se ten reunido aínda a mesa de valoración preceptiva segundo se estipula nas bases da convocatoria.
Así, González Barcia afirma que, por exemplo, o alcalde de Burela, e secretario xeral do PSOE local, xa anunciou ós medios de comunicación cantas e cales son as axudas que recibirá o seu concello; e que en municipios coma Barreiros, Begonte, Portomarín ou Palas de Rei, por só nomear algúns, tamén hai asociacións que saben xa o que van recibir.
Para o voceiro adxunto dos populares esta práctica é “absolutamente clientelar” e non responde a “eses novos tempos que anunciaba Besteiro”.
“Son precisamente os socialistas os que resultan ser alumnos aventaxados do caciquismo e do clientelismo, e os que usan a Deputación coma se fose un ben propio e cun claro carácter partidista no que avergoña a falla de transparencia”, engadiu.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
