BURELA .- A concelleira de Benestar Social e Igualdade, Neves Cando, asegura que “é mentira que onte estivese ningún técnico da Xunta na nosa galescola para verificar o estado das instalacións. Ninguén apareceu onte por Burela para mirar a galescola. Ou o Sr.Balseiro minte ou o técnico equivocouse de galescola, porque onte en Burela non estivo”. A edil nacionalista asegura que o deputado popular “amosa unha profunda ignorancia neste tema e non está nada ben informado. As obras e o orzamento para o arranxo da cuberta da galescola estaban xa comprometidas polo anterior goberno da Xunta de Galicia, en concreto pola Vicepresidencia da Igualdade e do Benestar, como así consta na acta da comisión mixta de seguimento do convenio entre o Consorcio e o Concello de Burela que se celebrou aquí o 4 de febreiro deste ano. E por si o Sr.Balseiro non se enterou, alí pon claramente que as obras iniciaranse no verán para interromper o menos posible a actividade escolar, quedando pendente informar á dirección da galescola e ao Concello sobre a data de comezo da obra e tamén a súa duración”.
Asemblea dos pais
Neves Cando engade que “por iso en un acto de responsabilidade cara os nenos e nenas da escola e cara os seus pais a nais se informou convenientemente nesas datas a todas as familias das obras de reparación que se levarán adiante por parte do Concello e da necesidade urxente de realizar as obras de arranxo da cuberta do edificio principal. E as nais e os pais da galescola decidiron nunha asamblea comunicar ao Consorcio que era mellor deixar esas obras para o verán co fin de non trastornar a actividade normal da escola e das familias, en caso de facelas durante o curso. E tamén acordaron que como medida provisoria e para evitar novas goteiras se mantiveran as lonas na cuberta por precaución ata o arranxo definitivo”.
A responsable de Benestar Social e Igualdade insiste en que “as obras xa estaban previstas para o verán polos anteriores responsables do goberno galego. O que nos preocupaba estes días Sr.Balseiro e así o denunciamos é que a día de hoxe ninguén se puxo en contacto con nós para informarnos de cando e de cómo se farían esas obras, que indubidablemente se teñen que realizar no verán para non interrumpir a actividade normal da galescola. Ou quería vostede Sr.Balseiro que pecháramos a escola durante o curso para amañala e dicirlles ás familias que tiñan que buscarse a vida para coidar aos seus fillos”.
Deficiencias desde a construción
Neves Cando segue a explicar que “por parte do goberno municipal e dos anteriores responsables do Consorcio houbo a máxima responsabilidade á hora de amañar as goteiras que se produciron nas instalacións porque inmediatamente se selaron por parte dos técnicos municipais todas as deficiencias detectadas. Pero era tal o estado de deterioro que presentaba a cuberta que nos vimos obrigados a tapalas parcialmente para evitar novas goteiras. E preguntámonos ¿que fixo o PP de Burela durante os dez anos de goberno municipal para arranxar ese deterioro palpable na cuberta?… que xa desde o segundo ano da súa construción presentaba deficiencias, segundo consta en numerosas actas da escola”.
A concelleira nacionalista asegura que “as cousas, Sr.Balseiro, senón se coidan ben estráganse e os seus compañeiros de partido en Burela e no goberno galego non coidaron nada ben estas instalacións, porque chegou un momento en que fixeron augas por todas partes. Ese é o seu compromiso e a súa coherencia. E aí nós no goberno municipal actuamos con rapidez e con responsabilidade tapando os furados que vostedes deixaron e evitando que aparecesen máis”.
Cando subliña “para que todos os veciños e veciñas de Burela reflexionen sobre o compromiso e coherencia do que presume o Sr.Balseiro nesta cuestión, unha última nota… agradece o Sr.Balseiro a preocupación amosada pola secretaria xeral de Benestar, Susana López Abella, neste tema, pois dicirlles aos veciños e veciñas de Burela que a secretaria xeral de Benestar estivo hai uns días en Burela e para nada se preocupou por visitar as instalacións da galescola para demostrar ese compromiso e coherencia do que presume o Sr.Balseiro. Dime do que presumes e direiche do que careces”.
Onte non veu á galescola de Burela un técnico da Xunta, “Balseiro minte”, asegura a concelleira de Benestar
Relacionado
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
O Pazo de San Marcos acolleu a conferencia final, de Manuel Andrade Baliño, e a entrega de premios ás alumnas e alumnos que obtiveron mellores valoracións nas probas que realizaron, o xoves, individuais, na Facultade de Formación do Profesorado de Lugo, e o venres, por equipos, en Mondoñedo. A final do certame, cunha axenda complentaria que achegou ás rapazas e rapaces ao patrimonio e á cultura, celebrouse por primeira vez en Lugo da man da Asociación Galega de Profesorado de Matemáticas (Agapema) e coa colaboración da área de Cultura da Vicepresidencia da Deputación.
Por este motivo, o Concello recomenda ás persoas, colectivos e entidades que precisen facer uso dalgunha instalación municipal ou solicitar material que presenten as súas peticións coa antelación necesaria. A medida permitirá organizar adecuadamente a atención das solicitudes e a planificación dos recursos municipais.
Dentro desta programación, o martes 30 de xuño ás 11:00 celebrarase na Casa da Cultura unha charla divulgativa impartida pola astrofísica Lucía González Cuesta, aberta a toda a veciñanza. A iniciativa enmárcase no programa provincial que busca ofrecer información rigorosa e garantir unha observación segura. Durante a xornada repartiranse folletos e gafas homologadas. A alcaldesa, Marta Rouco, destaca o carácter histórico do eclipse e anima a participar para vivilo con seguridade. O Concello lembra que só deben empregarse gafas específicas para mirar ao sol e continuará colaborando en actividades divulgativas e sociais arredor deste acontecemento único.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A convocatoria foi realizada polo Concello para amosar a solidariedade de Ribadeo con esta catástrofe natural.
Renova o seu compromiso co club despois de facerse cargo do equipo a mediados da campaña pasada. O técnico pontenovés afrontará este novo ciclo con traballo, compromiso e ilusión para seguir liderando a nave celeste.
