VALADOURO .- A OMIX de O Valadouro e a OMIX de Alfoz convocan o I Certame de Ilustración Sociedad de Valle de Oro creado para promover, premiar esta modalidade das artes plásticas e que sirva de homenaxe á centenaria Sociedad de Instrucción y Recreo Hijos de Valle de Oro que tanto labor social fomentou na comarca do Valadouro. O desenvolvemento corre a cargo da Fundación Comarcal A Mariña Central coa coorganización dos Concellos de Alfoz e Valadouro e o patrocinio da Deputación Provincial de Lugo.
O tema do certame é a emigración e as sociedades filantrópicas creadas polos galegos en ultramar. Poden ser viñetas humorísticas, recreacións orixinais de carteis reais ou ficticios, imaxes de actividades culturais ou de recreo feitas polos emigrantes nos paises de acollida, postais, ou calquera ilustración que teña relación con este tema dalgún xeito.
Poden participar os maiores de 18 anos galegos ou residentes en Galicia, con técnica libre, sempre que sexa reproducible, con catro obras como máximo por autor que han de presentar xunto cun sobre cos datos persoais, no enderezo
Certame de Ilustración Sociedad Hijos del Valle de Oro
Fundación Comarcal A Mariña Central
Praza do Concello, s/n – Casa do Concello
27740 Mondoñedo (Lugo)
ou nos rexistros dos Concellos de Alfoz e Valadouro
O prazo de entrega remata o 31 de xullo de 2009 e estabelécense tres premios:
1º Premio 1200 €, diploma e publicación na revista Búsola
2º Premio 600 € e diploma
3º Premio 300 € e diploma
O Concello de Navia presenta este sábado 28 de febreiro, ás 12:00 h no Casino, o libro Tras las huellas de Campoamor en Alicante, de Luján Martínez Suárez. Ademais, adquiriu un valioso volume da RAE de 1865, que inclúe un discurso seu orixinal. O exemplar incorporarase á Biblioteca Municipal, ampliando o fondo dedicado ao poeta.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
