BARREIROS (FNC) .- O artista, Celso Dourado, fixo balance dos primeiros quince días da apertura do seu Eido Dourado. Neste tempo acudiron á casa-museo entre 600 e 700 persoas, “un resultado excelente se pensamos que ainda é o inicio do verán e hai pouca xente”. Entre os turistas que visitan a obra de Celso Dourado, a procedencia é moi distinta, hai un porcentaxe importante de extranxeiros, alemáns e holandeses, tamén xente do interior, de Asturias e veciños de A Mariña de municipios como Mondoñedo, Lourenzá ou Ribadeo.
Celso Dourado afirmou que nestes quince días “se pode facer un balance tremendamente positivo. Contando que é un tipo de evento cultural, para un público que non é maioritario, e que nos atopamos nunha zona rural teño que dicir que está acudindo moita xente. Eu non sospeitaba que no primeiro ano tivera tanta acollida”. A obra de Celso Dourado non se limita á plástica senón que tamén acada a xardinería e a arquitectura da casa. O artista barreirense engadiu que “os visitantes conceden un valor importante aos cadros pero o xardín zen, de cuarzo branco, ten unha sorprendente acollida pola súa orixinalidade. Outra xente fíxase no que é o continente, na edificación, no espazo arquitectónico ao estar feito de materiais reciclados, moita pedra, moita madeira. Por sorte, tanto o espazo paisaxístico, coma o arquitectónico e a plástica son obras do mesmo autor e como eu sempre dixen, é un concepto glogal que ten que ser mirado como tal, o mesmo autor en distintos aspectos”.
Eido Dourado, a exposición permanente de Celso Dourado, está formada por cadros elaborados con técnicas pouco habituais como poligrafías e boligrafías. O seu autor confirmou que “entre os visitantes chaman moito a atención os feitos con bolígrafo porque é máis coñecido e a xente pregúntase como cun simple bolígrafo se poden facer esas obras”.
A Eido Dourado achéganse tamén persoeiros da vida cultural galega, como foi o caso hai uns días do cantautor Mini, recentemente galardoado co Pedrón de ouro, que acudiu coa súa familia a coñecer a exposición permanente de Celso Dourado
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
