CERVO .- O alcalde de Cervo, Alfonso Villares, calcula un superávit de 1,6 millóns de euros nas arcas municipais para este ano. Villares explicou que para o exercicio 2009 prevé un investimento en gastos por valor de 5,9 millóns de euros e uns ingresos de 7,6 millóns de euros e indicou que “as contas municipais do presente exercicio caracterízanse pola férrea contención do gasto público salvo en materia de servizos sociais, programas educativos, seguridade, cultura e limpeza”
NOTA DE PRENSA
O Executivo que preside Alfonso Villares pon en marcha un plan de austeridade para limitar os gastos correntes (material de oficina, subministros) e adecúa a previsión de ingresos á redución operada polo Goberno central nos impostos que paga Alcoa polo uso do seu porto comercial ou do encoro de Rio Cobo. As previsións para este ano reflicten tamén a menor recadación derivada do frenazo na expansión urbanística
O GOBERMO MUNICIPAL CONTEMPLA UNS GASTOS PRÓXIMOS AOS 6 MILLÓNS DE EUROS NOS ORZAMENTOS DE 2009
* As contas municipais do presente exercicio caracterízanse pola férrea contención do gasto público salvo en materia de servizos sociais, programas educativos, seguridade, cultura e limpeza.
* O porcentaxe de débeda viva redúcese en 53 puntos, nos dez últimos anos, pasando de ser do 160,32% no 1999 ao 107% no presente exercicio.
* Cervo subscribe o programa de préstamos habilitado polo Goberno central e solicitará 800.000 euros cos que axilizar o pago aos provedores e asumir novos investimentos en obras e servizos públicos.
Cervo, 13 de xullo de 2009.- O Alcalde de Cervo, Alfonso Villares, explicou que o Goberno Municipal elaborou un orzamento para o exercicio 2009 que prevé un investimento en gastos por valor de 5.924.864,61 euros e uns ingresos de 7.602.479,51 euros. Deste xeito as contas municipais rexistrarán no presente ano un superávit próximo aos 1,6 millóns de euros o que implica unha aposta decidida polo saneamento da Facenda municipal xa que o desequilibrio a favor dos ingresos ten por obxecto compensar os remanentes de tesourería negativos cos que pechou o exercicio 2008.
MENOS INGRESOS, MENOS GASTOS
No pasado ano a revisión que o Goberno central efectuou na tributación dos Bens Inmobles de Características Especiais (IBICES) como son o porto comercial de Alcoa ou o encoro de Río Cobo, sumado á perda de ingresos derivados da paralización da expansión urbanística, trouxo consigo unha menor recadación respecto da prevista polo que tamén as contas para 2009 reflictirán esta tendencia. No relativo aos gastos o Goberno Municipal acorda manter unha serie de incrementos retributivos próximos ao 2% para o persoal funcionario e incrementos de nivel para as escalas inferiores do persoal laboral, máis a partida global en gastos de persoal redúcese nun 14% debido, sobre todo, ás menores contratacións naqueles ámbitos nos que non existe un financiamento suplementario do custe destes traballadores a través de subvencións ou axudas doutras administracións.
CONXELACIÓN DOS GASTOS DOS ÓRGANOS DE GOBERNO
En contraste con esta situación no 2009 conxelaranse as retribucións que obteñen os órganos de Goberno. Non se procede á actualización desta partida, polo que as retribucións dos concelleiros, asistencias a plenos, etc… quedan igual que no ano 2008. A maiores hai que engadir a supresión dunha dedicación exclusiva, co conseguinte aforro, para as arcas municipais. As contas para 2009 tamén inclúen a incidencia positiva que respecto da Facenda pública local deuse despois das sentenzas favorables recaídas sobre o Plan Placer (Construcciones Coto) e que supoñen un aforro próximo aos tres millóns de euros.
Do análise polo miúdo das contas do 2009 dedúcese que o investimento centrarase en programas sociais, educativos e fomento do emprego, ademais de obras menores, seguridade, protección civil, cultura, medioambiente e limpeza. O Goberno municipal mantén as axudas para festexos nas distintas parroquias.
PLAN DE AUSTERIDADE
O Executivo que preside Alfonso Villares está poñer en marcha un férreo control do gasto, sen deixar de lado unha activa política inversora no mantemento dos servizos públicos de calidade e no relativo ao mantemento das políticas de gasto social. O primeiro edil explicou que o Goberno municipal deseñou un plan de austeridade do gasto municipal para o vindeiro exercicio económico co obxectivo de afrontar con “responsabilidade” a actual situación de crise, que está a afectar dun xeito evidente á situación de tesourería das administracións locais.
Con esta fórmula o Goberno municipal pretende garantir a prestación de servizos de calidade para todos os veciños pero facelo dun xeito coherente coa actual situación económica. Algunha das medidas contidas neste plan xa están en marcha, como é o caso da contención dos gastos superfluos e nos subministros correntes, material de oficina, subministro de enerxía, carburantes, telefonía, mantemento de equipos informáticos, de fotocopiadoras, recollida de lixo,.etc-. Todas elas baséanse no control do gasto público pero mantendo o esforzo orzamentario en materia de políticas sociais e de benestar e o investimento en servizos de promoción do deporte, da Cultura e dos servizos públicos (Escolas Deportivas Municipais, mantemento e melloras na piscina municipal, rede de telecentros, actividades culturais, …).
REDÚCESE EN ENDEBEDAMENTO
Por outra banda, cabe salientar unha evolución positiva da débeda viva do Concello de Cervo, isto é, da débeda bancaria desta administración pública que reduciuse nos dez últimos anos en máis de 52,32 puntos porcentuais. Mentres que en 1999 esta índice de endebedamento bancario en relación cos ingresos correntes era dun 160,32% a finais deste ano pasará a ser do 107%.
Esta cantidade (107%) inclúe a solicitude dun préstamo bancario por valor de 800 mil euros, adscrito ao fondo de axuda ás entidades locais que puxo en marcha o Goberno central. O Concello de Cervo acollerase ao Real Decreto Lei 5/2009 que contempla medidas extraordinarias de apoio aos concellos –préstamos cun tipo de xuro moi baixo- de tal xeito que poderá axilizar o pago a empresas e autónomos. Esta operación de financiamento externo concertarase con dous anos de carencia, tanto os intereses como a liquidación de xuros será anual, por anualidades vencidas.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
