NOTA DE PRENSA
O BNG PIDE UNIFICAR INTERESES ENTRE OS VECIÑOS DE CERVO PARA MELLORAR O TRAZADO DA AUTOVIA BARREIROS-SAN CIBRAO NO SEU PASO POLO CONCELLO
Na asemblea veciñal realizada onte un San Román os veciños pediron apoio ao BNG para modificar o trazado no seu paso pola parroquia a mais afectada polo paso da autovía.
Os nacionalistas reiteran a necesidade de ampliar o prazo de exposición publica para estudar mellor o trazado e as posíbeis melloras.
Cervo, 10 de xullo de 2009. O BNG continua expoñendo en asembleas veciñais nas distintas parroquias e núcleos do concello o trazado proposto polo Ministerio de Fomento para a autovía Barreiros-San Cibrao. A falta das parroquias de Rúa e Castelo onde haberá actos o luns 13 e o martes 14, faranse exposicións en Cervo e San Cibrao co cal quedará completado o conxunto do territorio municipal. Unha vez realizados os actos na Senra, Trasbar, A Venta e San Román, constátase a necesidade de presentar alegacións para preservar acuíferos dos que se serven os veciños e a modificación do trazado ao seu paso por San Román, polo que piden unificar intereses para presentar unha alternativa que mellore a proposta de Fomento.
OS NACIONALISTAS COLABORARÁN COS VECIÑOS PARA PRESENTAR ALEGACIÓNS QUE SALVEN OS MANANTIAIS DOS QUE SE SERVEN PRETO DE 50 VECIÑOS E VECIÑAS
O BNG traballa conxuntamente cos veciños da Senra e Gondras para intentar salvar diferentes acuíferos dos que se serven dende fai moitos anos como subministro de auga potábel para as súas vivendas os veciños de. Neste sentido presentaranse alegacións no rexistro do concello para ser tramitadas ao Ministerio. Os preto de 50 veciños e veciñas da Senra, Gondras e Vilaestrofe solicitan o mantemento dos acuíferos dos que se levan servindo de auga dende fai mais de trinta anos.
EN SAN ROMÁN O BNG APOIA AOS VECIÑOS PARA EVITAR A AFECTACIÓN DE DUAS EDIFICACIÓNS E ZONAS DE CULTIVO NA CALVELA
O BNG reunido na tarde de onte cos veciños de San Roman manifestoulles o seu apoio na presentación de alegacións para unha modificación do trazado que evite a afectación de varias construcións e zonas de cultivo na Calvela. A proposta pasa por modificar o trazado á altura da Senra, levándoa mais ao sur para conectar cun paso entre as parroquias de San Roman e Rúa coa alternativa IDH1.2 na entrada do túnel de Vilasindre ate o enlace de Cangas.
MAIS TEMPO PARA ESTUDAR AS ALTERNATIVAS E UNIFICACIÓN DE INTERESES PARA MELLORAR O TRAZADO
O BNG pide unha ampliación do prazo de exposición pública ao considerar que é posibel unificar intereses coa presentación dunha alternativa que mellore a actual e que permitiría ademais de evitar a afectación de zonas habitadas e de cultivo en Cervo, mellorar o trazado no seu paso polo concello de Burela.
OS NACIONALISTAS PEDIRÁN UN ACORDO UNÁNIME DA CORPORACIÓN DE CERVO NA DEFENSA DAS ALEGACIÓNS PRESENTADAS POLOS VECIÑOS
Por último o BNG pide que o pleno Corporación cervense apoie cun acordo unánime da corporación municipal, as alegacións presentadas polos veciños para o cal todas as alegacións presentadas deberan estar rexistradas nas dependencias municipais coa data límite do 20 de xullo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
