SANTIAGO .- O Concello de Viveiro “cobrou xa 890.680 euros dos 915.000 previsto pola Xunta de Galicia para o realoxo dos afectados do barrio do Celeiriño, en Viveiro, e so quedan pendentes de pago 24.320 euros”, aseguran desde a Xunta e indican que, “con respecto á oferta de cesión das vivendas que deben derrubarse, no expediente remitido polo Concello non constan os documentos acreditativos da propiedade de ditas vivendas, polo que no devandito escrito se indica que o Concello deberá remitir ao IGVS ditos documentos, xunto co último recibo do IBI.
O Concello de Viveiro cobrou en abril a case totalidade dos fondos aprobados pola Xunta para os afectados polo derrumbe do Celeiriño en Celeiro
-O 1 de abril de 2009 o IGVS abonou ao Concello un total de 890.680 euros, exactamente a cantidade xustificada polo Concello
-Quedan pendentes de pago 24.320 euros. O Concello deberá previamente determinar a que se van destinar.
-O expediente para a cesión das vivendas que deben derrubarse enviado polo Concello ao IGVS está incompleto ao faltar os títulos de propiedade e os recibos do IBI
Viveiro (Lugo), 27 de xullo de 2009.- O Concello de Viveiro cobrou xa 890.680 euros dos 915.000 previsto pola Xunta de Galicia para o realoxo dos afectados do barrio do Celeiriño, en Viveiro, e so quedan pendentes de pago 24.320 euros que o Concello debe indicar ao IGVS como se van repartir, xa que algúns dos beneficiarios destas axudas xa chegaron ao tope máximo da subvención.
O pasado 1 de abril o IGVS fixo efectivo ao concello de Viveiro 890.680 euros destinados á adquisición de novas vivendas por parte de sete afectados do Celeiriño, posto que o octavo renunciou á axuda. A cantidade aboada corresponde integramente ao gasto xustificado polo Concello.
Por medio dun escrito, o IGVS comunicou ao Alcalde de Viveiro que “quedamos á espera do informe dese Concello sobre que actuación consideran máis conveniente” en relación co abono dos 24.320 euros pendentes de pago. No escrito indícase que, de conformidade co acordado polo Consello da Xunta, esa cantidade so podería destinarse a sufragar os gastos asociados á adquisición das vivendas dos afectados que non esgotaron a cantidade establecida en dito acordo do Consello. Indicase tamén que no caso de que o Concello desexe incluír a ditos beneficiarios no reparto deses fondos sería preciso como paso previo volver a elevar novamente o expediente ao Consello da Xunta de Galicia.
Polo que respecta á oferta de cesión das vivendas que deben derrubarse, no expediente remitido polo Concello non constan os documentos acreditativos da propiedade de ditas vivendas, polo que no devandito escrito se indica que o Concello deberá remitir ao IGVS ditos documentos, xunto co último recibo do Imposto sobre Bens Inmobles.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
