SANTAIGO .- O conselleiro de Presidencia, Administracións Públicas e Xustiza, Alfonso Rueda, insistiu en que “a coordinación e a colaboración entre administracións” é fundamental para poñer en marcha o servizo de emerxencias de Lugo. Por este motivo, expresou a súa plena disposición a manter “canto antes” unha xuntanza para abordar a prestación do servizo contraincendios e de salvamento de Lugo co fin de darlle impulso ao consorcio provincial, tal e como xa lle ten trasladado á Deputación lucense.
Así o dixo o conselleiro no Polígono Industrial de Vilalba onde se construirá o parque de bombeiros comarcal da zona e onde aproveitou para informar aos medios de comunicación sobre a situación dos parques comarcais de bombeiros na provincia de Lugo. Rueda, que estivo acompañado pola delegada territorial da Xunta na provincia, Raquel Arias, pola vicepresidenta da Deputación de Lugo, Lara Mèndez, e polo alcalde vilalbés, Gerardo Criado, comentou que o déficit de Lugo no tocante ao servizo contraincendios foi paliado grazas ao esforzo conxunto da Xunta de Galicia e a Deputación Provincial de Lugo. Ambos organismos sufragan ao 50% os custes da construción dos cinco parques de bombeiros do Consorcio Provincial e a súa dotación material. En total, dixo Rueda, trátase dun investimento final para a provincia de “máis de nove millóns de euros”.
Situación dos parques de bombeiros comarcais
Neste sentido, o conselleiro anunciou que o parque comarcal de Vilalba estará “completamente rematado” en seis meses e que nel se invisten preto de 600.000 euros, o mesmo orzamento co que tamén conta o de Chantada e que neste caso finalizará nas vindeiras semanas. Nos parques de Viveiro e Sarria o custe estimado foi de 700.000 euros en vada un; o primeiro espérase que estea rematado no 2010, ano no que se iniciará a súa construción; mentres que o de Sarria xa leva a metade construído. Por último, Rueda referiuse ao parque comarcal de Barreiros que, tras varios anos de problemas, xa está completamente finalizado.
Así, destacou o papel dun servizo fundamental para que a cidadanía poida estar segura. Os cinco parques do Consorcio de Lugo prestarán servizo a unha poboación próxima aos 200.000 habitantes e garantirán a resposta áxil dos servizos de emerxencias.
Por último, o conselleiro lembrou os avances feitos no servizo contraincendios e de salvamento no resto das provincias galegas, onde a Xunta leva investidos 30 millóns de euros na posta en marcha de 18 parques comarcais de bombeiros e na compra de vehículos e equipamento contraincendios; aos que se lle suman outros 30 millóns para gastos de funcionamento. Estas cifras, ás que lles hai que sumar os 4,6 millóns de euros que se invisten na provincia de Lugo, dan, segundo Rueda, “boa mostra” do compromiso da Xunta de Galicia na materia.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
