NOTA DE PRENSA
O Grupo Parlamentario Popular reuniuse hoxe en Xove cos alcaldes e presidentes locais do partido na comarca para analizar os principais problemas da zona e os incumprimentos do anterior Executivo autonómico
O PPdeG VALORA MOI POSITIVAMENTE OS PRIMEIROS PASOS DADOS POLO NOVO GOBERNO DA XUNTA NESTES DOUS MESES PARA RACHAR CO ESQUECEMENTO AO QUE O BIPARTITO SOMETEU Á MARIÑA LUCENSE DURANTE MÁIS DE TRES ANOS
* Os deputados e responsables locais do PP salientaron o compromiso de Portos de Galicia de elaborar un estudio de viabilidade sobre a apertura ao tráfico comercial xeral do dique norte de Alcoa, a dotación de dobre tripulación ao helicóptero Pesca II, o plan de choque contra as listas de espera anunciado no Hospital da Costa ou a decisión de aprazar o desenvolvemento do Plan Sectorial de Vivenda ata consultalo cos concellos e consensualo cos propietarios.
* Por iniciativa do Grupo Popular, a Xunta instará ao Goberno central a incrementar os servizos de vixilancia e control na franxa norte da costa galega e a acelerar a posta en funcionamento da sede da Garda Civil do Mar en Viveiro.
Xove (Lugo), 7 de xullo de 2009.- O Partido Popular de Galicia valorou hoxe moi positivamente os primeiros pasos dados polo novo Goberno da Xunta nestes pouco máis de dous meses desde a súa toma de posesión para rachar co esquecemento ao que o Bipartito PSOE-BNG someteu á Mariña lucense durante máis de tres anos. O Grupo Parlamentario Popular, encabezado polo seu portavoz, Manuel Ruiz Rivas, mantivo hoxe unha xuntanza en Xove, na que, ademais do presidente provincial do PP de Lugo, Xosé Manuel Barreiro, e do secretario provincial e deputado, José Manuel Balseiro, participaron tamén os alcaldes e presidentes locais do PP na comarca para analizar os principais problemas da zona e os incumprimentos do anterior Executivo autonómico. A de hoxe constitúe a primeira das catro reunións que o Grupo Popular ten previsto celebrar noutras tantas comarcas galegas durante o mes de xullo, co obxectivo de coñecer dun xeito directo os problemas e cuestións de cada zona a cuxa solución pode contribuír mediante a presentación de iniciativas parlamentarias.
En relación coas primeiras medidas adoptadas polo Goberno de Alberto Núñez Feijóo, os deputados e responsables locais do PP salientaron o compromiso de Portos de Galicia de elaborar un estudio de viabilidade sobre a apertura ao tráfico comercial xeral do dique norte de Alcoa, a dotación de dobre tripulación ao helicóptero Pesca II –co que se garante a súa operatividade as 24 horas do día e os 365 días do ano-, o plan de choque contra as listas de espera anunciado no Hospital da Costa ou a decisión de aprazar o desenvolvemento do Plan Sectorial de Vivenda ata consultalo cos concellos e consensualo cos propietarios.
Manuel Ruiz Rivas constatou na reunión celebrada hoxe que “os problemas da Mariña son os mesmos que fai catro anos pero agrandados polo esquecemento que sufriu a zona durante o goberno bipartito na Xunta de Galicia”. Indicou que o Grupo Parlamentario Popular pretende contribuír a solución destes problemas dándolles un empuxe parlamentario e facendo todos os esforzos posibles para que as reclamacións dos concellos da Mariña sexan unha prioridade para o novo Goberno da Xunta.
HOSPITAL DA COSTA E CORREDOR BARREIROS-FERROL
Os representantes do PP analizaron polo miúdo os principais incumprimentos do anterior Goberno autonómico en relación coa Mariña de Lugo en distintas áreas. Así, en materia de Sanidade, resaltaron que PSOE e BNG esqueceron a súa promesa electoral de ampliar o Hospital da Costa, no que, ademais, ata oito especialidades médicas superaron amplamente a lista de espera media de Galicia, unha demora na prestación dos servizos sanitarios que se estendeu á atención primaria. A supresión do acceso de preto de 300 nenos ao especialista en medicina infantil nos seus respectivos centros de saúde, o incumprimento da promesa de habilitar un Punto de Atención Continuada en Foz ou a negativa á instalación dun servizo de resonancia magnética permanente no hospital foron outros exemplos da mala xestión do bipartito neste eido abordados na reunión de hoxe.
Os alcaldes e responsables locais do PP destacaron tamén, no que atinxe ás infraestruturas, os atrasos na construción do Corredor Barreiros-Ferrol no seu tramo de titularidade autonómica, sobre o que todos os esforzos realizados polo PPdeG para reducir o seu prazo de execución contaron coa oposición de PSOE e BNG. En canto á vivenda, subliñaron que os pisos sociais e protexidos na comarca se reduciron drasticamente na anterior lexislatura, na que o departamento que dirixía a nacionalista Teresa Táboas limitouse a continuar cos proxectos iniciados polo anterior Goberno do PP e a dedicar o esforzo máis importante a propaganda.
Na xuntanza apuntáronse outras áreas nas que A Mariña foi esquecida polo bipartito, tales como a Xustiza, na que os obstáculos postos pola anterior Xunta impediron a creación do Xulgado de Primeira Instancia e Instrución en Ribadeo, ao que se uniu o cesamento da celebración das vistas do Penal nos xulgados de Primeira Instancia de Mondoñedo e Viveiro; a Pesca, cuxa crise afectou de xeito especial a esta comarca; ou as emerxencias, eido no que os populares salientaron a paralización da apertura dos parques de bombeiros de Barreiros e Viveiro.
INICIATIVAS DO GRUPO PARLAMENTARIO POPULAR
O portavoz parlamentario do PPdeG comprometeuse a seguir traballando polo avance da Mariña e lembrou as iniciativas que o seu partido ten presentado no Parlamento dirixidas a que se poña solución ás principais carencias da comarca. Entre as máis recentes, e ademais da que derivou no mencionado compromiso de Portos de Galicia sobre o dique norte de Alcoa, lembrou que por iniciativa do Grupo Popular, a Xunta instará ao Goberno central a incrementar os servizos de vixilancia e control na franxa
norte da costa galega e a acelerar a posta en funcionamento da sede da Garda Civil do Mar en Viveiro. Igualmente, referiuse ao acordo unánime do Parlamento acadado na lexislatura pasada, tamén por iniciativa dos populares, para que se acadara un maior equilibrio entre os representantes das provincias de Lugo e da Coruña no Consello de Administración da Autoridade Portuaria Ferrol-San Cibrao, no que a provincia lucense conta tan só cun dos 25 vogais, acordo que, sen embargo, foi incumprido polo bipartito. Así mesmo, apuntou que a dotación de dobre tripulación ao helicóptero Pesca II do Servizo de Gardacostas de Galicia agora comprometido foi tamén reclamado polo Grupo Popular na anterior lexislatura.
Pola súa banda, o presidente provincial do PP de Lugo, Xosé Manuel Barreiro, salientou que as xuntanzas como a de hoxe puxo de manifesto que existen outras formas de facer política “e a do PP é apoiar e cumprir o que prometeu e o que era promesa fai pouco tempo estase a converter en realidade”. Resaltou tamén que o PPdeG segue a estar a pé da rúa “agora que apoia ao Goberno exactamente igual que cando estaba na oposición”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
