BURELA (FNC) .- O alcalde, Alfredo Llano, e responsables de Costas visitaron onte as diferentes praias de Burela para estudiar as obras que se realizarán nos vindeiros meses de cara a mellorar os seus servizos.
O rexedor explicou que “durante a visita dos responsables de Costas o que estivemos facendo foi un recorrido polas praias de Burela, pola Marosa, Ril, O Portelo e O Cabaliño e o que se fixo foi estudiar onde se iban ubicar os servizos sanitarios que se ten pensado colocar na praia de O Portelo. De tres propostas, decidimos a máis axeitada xa que cremos que vai a beneficiar tanto a do Portelo como a de O Cabaliño porque a zona pensada está situada moi cerca delas e desta maneira beneficiará ás duas”.
Llano sinalou que “tamén estivemos revisando un pouco as obras que están en marcha, son, por unha banda, a rosa dos ventos que é unha obra que vai quedar moi vistosa no paseo marítimo e espero que guste a todo o mundo que pasee por alí, e tamén supervisamos unhas farolas ornamentais que se colocaron na praia de O Portelo para mellorar a luminosidade nocturna cando se esté facendo algún xogo ou se esté paseando por alí. Creo que quedaron moi ben, moi integradas na paisaxe”.
Alfredo Llano engadiu que “estivemos falando dos proxectos que acometeremos en Ril que vai levar un circuito biosaudable, un parque infantil e aparcamentos. Agardo que para o ano que ven estea listo e que sexa unha atracción máis das nosas praias. Por último, estivemos falando de distintos proxectos que se farán segundo vaia pasando o tempo e que se culminarán posiblemente para o ano que ven. Penso que sempre é bó ter aquí a estes responsables para contarlles en vivo e en directo o que pretendemos para Burela e pensando sempre no beneficio global para o noso municipio. Por tanto consideramos que foi positiva esta visita e que dará lugar a ver obras importantes moi pronto no noso pobo”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
