BURELA (FNC) .- O barco museo Reina del Carmen de Burela foi visitado durante este verán por 2.200 persoas chegando algúns días do mes de agosto ás 100 persoas. A delegada de Mar, Remedios López, amosouse moi satisfeita con este balance do verán e anunciou que durante o curso escolar se publicitará ós colexios de Galicia, Asturias e incluso León para dar a coñecer as orixes da pesca.
Remedios López explicou que “se facemos un balance do barco museo a día de hoxe podemos dicir que no verán, que estivo aberto tódolos días de mañá e tarde, foi visitado por un total de 2.200 persoas e houbo días durante o mes de agosto que chegaron a visitalo 100 persoas. Agora coa chegada do outono cambiamos o seu horario e estará aberto de 9:00 a 14:00 horas e de 16:00 a 18:00 horas de luns a venres, permanecendo pechado as fins de semana. O barco museo Reina del Carmen ademais durante o curso escolar será publicitado a colexios de Galicia, de Asturias e incluso de León, dando así a coñecer as nosas orixes da pesca tradicional e artesanal”.
A edil de Mar de Burela sinalou que “o barco boniteiro ten un casco de madeira que durante trinta anos estivo adicado á pesca do bonito, da merluza do pincho e mais do peixe espada e tivo a gran sorte na súa xubilación de non ser desmantelado, de non ser desguazado para convertelo nun barco museo. O Reina del Carmen é un mudo testemuño do que é a vida dos homes do mar e despois de visitalo e pasar polas bodegas, pola ponte, pola sala de máquinas, os camarotes, o rancho de popa, pola cociña, etc, etc, chegamos á conclusión do dura que era a vida da tripulación, dos trece mariñeiros que traballaban nel, que durante trinta días tiñan que convivir todos xuntos para chegar a terra, descargar , pasar un día de descanso e volver outra vez a saír ó mar. Todo isto vese recollido nun vídeo que se proxecta de forma didáctica”.
Remedios López recomenda “a visita a todo o mundo pero tamén ós colexios que teñen ademais a visita gratuita e con isto intentamos dar a coñecer as nosas orixes da pesca, a pesca sostible e o cuidado e respeto ó medio ambiente”.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
