NOTA DE PRENSA:
“As contradiccións entre Balseiro e a Conselleira alarman cada día mais aos cidadáns ”
Balseiro repite como un loro as consignas do partido aumentando a confusión entre os veciños”
“O PP segue poñendo soldos para os seus concelleiros mentres o concello continúa sumido na parálise”
Cervo, 25 de setembro de 2009. A presentación pola vía de urxencia no pleno celebrado na noite do xoves da moción do BNG para o mantemento da área sanitaria da mariña, supuxo o acordo unánime da corporación, previa inclusión dunha emenda do PP, a esixencia de defender diante da Consellaría de Sanidade o mantemento da actual área sanitaria. Aínda así, o portavoz nacionalista, Xoán Estúa, denunciou as manobras de despiste do PP que mentres aquí aproba as iniciativas do BNG, no Parlamento Galego vota en sentido contrario..
“A consellaría di que está en estudo e José Manuel Balseiro nega a supresión da área sanitaria”
Os tres cuartos de hora que o parlamentario e concelleiro cervense, José Manuel Balseiro, utilizou para repetir o mesmo discurso que deu o compañeiro de partido no parlamento, “nin serviron para tranquilizar, nin aclararon nada a respecto dos anuncios da Consellaría de Sanidade de suprimir a área norte de saúde”, que sigue mantendo en estudo en contradicción coas declaracións do Sr. Balseiro. A pesar disto, o BNG mostrou a súa satisfacción por un acordo unánime que “obriga ao concello, e ao propio Balseiro, a defender en calquera instancia o compromiso adquirido”, “agardamos por tanto o seu voto favorábel cando nos próximos días se produza o mesmo debate no Parlamento Galego”
“Mentres o PP continua poñendo salarios aos seus concelleiros, o concello sigue paralizado”
O BNG criticou a actitude do grupo de goberno que, coa toma de posesión do novo concelleiro de Turismo e Deportes, redistribuíu as dedicacións absolutas e parciais, co que o gasto anual nestes salarios suma mais de 102.000 euros, ao que hai que sumar gastos en teléfonos móbiles e dietas, un gasto moi por encima das posibilidades dun concello endebedado e con menos de 5.000 habitantes. Os nacionalistas criticaron que estas asignacións económicas non repercuten no traballo do grupo de goberno, xa que en Cervo non existe nin política deportiva, nin cultural, nin para os maiores, nin para os nenos ou mozos, sendo ademais evidente o abandono do concello se mire por onde se mire. O BNG ademais criticou que as xustificacións para o cobro dos salarios das catro dedicacións parciais “son opacas e moi difíciles de controlar pola oposición”, un asunto ao que fan referencia os informes dos servizos de intervención que sinalan a necesidade do control polo pleno da corporación que nas actuais circunstancias é imposíbel.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
