NOTA DE PRENSA
Basanta afirma que Goberno Local con este caso mancha o nome de Foz
Os nacionalistas demandan que se aclare o contrato do esposo de Alonso
O BNG solicita a creación dunha comisión de investigación sobre o caso Saiju
O Bloque Nacionalista Galego vai proceder a solicitari no vindeiro Pleno da Corporación Municipal a solicitar a creación dunha Comisión non permanente do Pleno para investigar as relacións contractuais existentes entre o Concello de Foz e a empresa Saiju Instalacións.
A motivación desta proposta hai que busca-la na posición mantida en relación con este tema por parte do grupo de Goberno de Foz que nas últimas semanas lonxe de explicar as dúbidas existentes entre os veciños deste concello sobre as vinculación contractuais entre esta empresa e o Goberno Municipal dedicouse a dar a calada por resposta e intentar agochar a mesma. Aínda así o detonante da nosa proposta hai que atopa-la na actitude mantida polo Alcalde no Pleno de onte que diante das preguntas formuladas polo BNG sobre este caso limitouse a repetir a mesma cantinela de sempre, que non fai outra cousa que xerar máis dúbidas sobre este asunto.
Non entendemos desde o BNG como o grupo de Goberno que debía ser o máis interesado en clarexar estas cuestións, optase por votar balóns fora e non só iso que se dedique a montar polémicas estériles que non pretenden outra cousa que desviar a atención sobre o fondo do asunto. Nos nunca apostamos por xudicializar a vida política, agora ben, se a alguén lle gusta andar de preito en preito é problema del. Porén o inicio dun proceso xudicial, e más na vía penal, non significa que non haxa que asumir resposablidades políticas e administrativas que xurdan da aclaración deste caso no seo da corporación, porque a un cargo público non hai que esixirlle só que actúe conforme a dereito senón que actúe con decoro ético. Saiba logo, o grupo de goberno que o BNG, non vai admitir que actitude duns poucos poña en cuestión a honradez do noso Concello e manche o seu nome como está a acontecer neste caso.
O Bloque Nacionalista Galego entende que é necesario que por parte dos servizos de secretaría e de intervención se elaboren os informes técnicos necesarios que aclaren os termos legais desta relación contractual. Agora ben, precisamos respostas políticas, sobre a composición accionarial da sociedade, sobre a constitución desta en 2003 ten algo que ver coa entrada en política da Sr. Alonso,sobre o feito de que esta mude unha vez que muda a lei de contratos en 2008, sobre a participación, se é que existe da señora Alonso na sociedade, sobre a participación da Sr. Alonso nos beneficios da empresa a través do réxime de gananciais cunha accionista da empresa, sobre o papel que xoga o administrador único, cuñado de Alonso nesta sociedade, sobre se esta empresa fixo traballos de subcontrata para empresas concesionarias do Concello, sobre a facturación desta empresa a outros clientes, no caso de existir, que non sexan o Concello de Foz, sobre o aumento do patrimonio, no suposto de habelo, da Sr.Alonso desde que entrou na Corporación de Foz e se este ten haber con beneficios derivados da referida empresa…
Na mesma orde de cousas o BNG entende necesario que por parte do Grupo de Goberno se explique o proceso de contratación do esposo da Sra.Alonso no Concello de Foz posto que ate agora só escoitamos explicacións de mal pagador. Non nos vale a referencia a composición do tribunal, posto que todos sabemos que o traxe se corta en función do patrón e o patrón esta feito nas bases de contratación. Que curiosidade que se opte pola vía do contrato de relevo, cando todos sabemos que acontece con aqueles traballadores que entran de relevistas en calquera empresa, isto é da temporalidade ao traballo indefinido. Que curioso tamén a acreditación de determinadas cualificacións en relación con outros procesos selectivos que se deron no Concello. Que curioso que o Goberno Local se negue a elaborar unhas bases de contratación a pesar das mocións aprobadas a instancia do BNG desde que iniciou a lexislatura.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
