NOTA DE PRENSA
O BNG INSTA Á XUNTA DE GALIZA A MANTER AS ÁREAS SANITARIAS ACTUAIS DA MARIÑA E MONFORTE DE LEMOS
Fernando Blanco, deputado do BNG no Parlamento Galego, anunciou que o BNG defenderá unha proposición non de lei no pleno do Parlamento para se manteña o mapa sanitario de Galiza no que atinxe á área sanitaria da Mariña e sur de Lugo
Lugo, 28 de setembro de 2009. Esta mañá o deputado do BNG no Parlamento Galego, Fernando Blanco, ofreceu unha rolda de prensa conxunta con representantes das comarcas da Mariña e Sur de Lugo do BNG, Antonio Veiga, responsábel comarcal do BNG da Mariña e Xosé Antón Ledo Pan, responsábel de organización do BNG da comarca Lugo-Sur. Na rolda de prensa, o deputado do BNG, Fernando Blanco, defendeu a postura firme do BNG en contra das intencións da conselleira de Sanidade que no mes de xullo anunciou a creación dunha área sanitaria única en Lugo. Segundo expuxo o parlamentario nacionalista, a creación dunha área sanitaria única para a provincia de Lugo suporía a supresión da área norte de saúde, que abarca A Mariña, así como a área sanitaria do sur, á que corresponde o hospital de Monforte, centralizando toda a xestión hospitalaria en Lugo. Fernando Blanco argumentou con cifras o que suporía esta reestruturación, xa que o Hospital da Costa ten asignadas 72.025 persoas, distribuídas en 14 Concellos, e o Hospital Comarcal de Monforte conta con 49.204 usuarios distribuidos en 11 concellos, polo que estes usuarios pasarían a ter como primeiro hospital de referencia o Hospital de Lugo, a uns 100 Km do Burela e uns noventa minutos de desprazamento en coche, dándose unha situación semellante para os usuarios da comarca de Lemos.
Esta situación de desprazamento da xestión cara Lugo traería unhas consecuencias moi graves para os usuarios e usuarias da sanidade pública, xa que produto da distancia da Mariña e de Monforte coa capital da provincia crearíase unha dificultade para o acceso á mesma e descoñecemento de moitos problemas e eivas cotiás que xurdisen nos centros das actuais áreas de Monforte e da Costa. Tal como sinalou Fernando Blanco, “unha xerencia única coa súa ubicación en Lugo e diante da escaseza de certos profesionais de algunhas especialidades médicas, implicaría desprazamentos constantes da poboación actual destas áreas sanitarias á cidade”. Tendo en conta a distancia xa sinalada, a situación das comunicacións, o tempo de viaxe e ausencia dun transporte público axeitado, eses desprazamentos implicarían unha grande perda da calidade de vida para a poboación afectada alén de teren que asumir os gastos de desprazamento e, no seu caso, de hospedaxe os propios usuarios o que supón unha discriminación con respecto a poboación doutras zonas.
Ademais de para os usuarios e usuarias dos servizos sanitarios, A supresión destas áreas sanitarias implicaría para os/as profesionais médicos da saúde ter que optar a traballar en toda a provincia. Para o persoal eventual, ter que inscribirse nas listas de contratacións provinciais e ter que aceptar contratos a máis de cen quilómetros do seu domicilio, baixo a ameaza de penalización.
Por todos estes motivos, Fernando Blanco argumentou que se debaterá no Parlamento Galego unha proposta non de lei presentada polo BNG na que se instará á Xunta de Galiza, nomeadamente á Consellería de Sanidade, a manter o mapa sanitario galego como na actualidade para garantir unha asistencia sanitaria eficiente, que dea conta dos problemas de cada zona das comarcas lucenses e que non obrigue á poboación a desprazamentos innecesarios.
Pola súa banda, Antonio Veiga, responsábel comarcal do BNG na Mariña, expuxo que no mesmo camiño tamén mañá martes na Deputación de Lugo vaise levar a pleno un acordo do Goberno da Deputación que vai no mesmo camiño de instar á Xunta de Galiza a que manteña o mapa sanitario actual no que atinxe ás áreas sanitarias de Monforte e A Mariña con todas as competencias e servizos que teñen na actualidade.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
