RIBADEO (FNC) .- O alcalde de Ribadeo, Fernando Suárez, destacou que despois do pleno ordinario, celebrado no día de onte, se estudará o sistema da zona hora implantado no entorno da Praza de Abastos e que convocará a tódolos grupos municipais cando se teña lista unha proposta consolidada igual que se fará coa ordenanza do cemiterio municipal. Ademais aprobouse a moción sobre a gratuidade dos libros de texto e fixáronse as festas locais para o vindeiro ano 2010.
O rexedor ribadense explicou que “no pleno ordinario de onte reinou un tono cordial entre tódolos grupos da corporación, foi un pleno moi participativo, onde se tomaron unha serie de acordos, penso que importantes e ademais contou con que tódolos grupos, incluso dentro do apartado de mocións, que presentaron as súas propias, uns cederon para que puideran ser aprobadas por unanimidade e dende o goberno tamén se aceptaron unha serie de suxerencias”.
Fernando Suárez sinalou que “ademais de explicar tódolos camiños que, a través do Plan Estratéxico de Infraestructuras de Medio Rural, vamos facer agora en pouco tempo coa colaboración importante da Consellería de Medio Rural, fixamos as festas locais para o ano 2010, que van ser o día de San Roque e o día da Patrona, e tratamos as licencias de primeira ocupación ás que nos temos referido en outros momentos con tódalas garantías e as cuestións que os técnicos municipais nos advertiron para dar unha primeira ocupación parcial dun edificio daqueles nos que o construído non se axustaba á licencia concedida orixinariamente con todas as precaucións, garantías e os avais que tivo que depositar o construtor”.
Suárez afirmou que “foron unhas seis mocións as que se trataron, houbo algunhas que sumaron os votos do PSOE, do BNG, de UPRI, outras sumaron a unanimidade e logo houbo outro grupo que se pretende apuntar a tódolos bandos, un grupo moi singular que temos aquí no Concello de Ribadeo. Eu creo que debo destacar esta moción que se aprobou sobre a gratuidade dos libros de texto no ensino obrigatorio facendo unha chamada de atención á Consellería de Educación actual polo sistema que acaba de incorporar para este ano no que soamente van ter acceso á gratuidade unha parte moi pequena da poboación dado que os marxes de ingresos económicos que fixan son tan baixos que só prácticamente aquelas familias que estean, segundo os datos do Instituto Nacional de Estatística, no grao da pobreza poderán acceder a estas axudas. Nós entendemos que servizos públicos universais, como deben ser a sanidade ou a educación, son servizos onde non deben facer este tipo de restriccións económicas que o Partido Popular na Xunta está levando adiante”.
Fernando Suárez engadiu que “outra das mocións, que creo que é positiva, foi unha proposición de urxencia que fixo o PSOE, para que estudiara o sistema de zona hora que temos implantado no que é o entorno da Praza de Abastos de Ribadeo, chegamos a unha transacción con tódolos grupos de que eu como alcalde, á vista de que leva practicamente un ano funcionando e que hai algunhas cuestións que quizáis se poidan mellorar, se poidan corrixir, quedei en convocalos dentro dun tempo cunha serie de propostas igual que quedamos en convocalos cando teñamos lista unha proposta máis consolidada do que é a ordenanza do cemiterio municipal de Ribadeo e Ove. Despois unha serie de rogos e preguntas que, coma sempre, se foron contestando case todos no mesmo momento”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
