NOTA DE PRENSA
O Pleno debaterá unha Proposición no de Lei presentada por José Manuel Balseiro, quen salienta que o Goberno de Zapatero “incumpre unha vez máis as súas previsións con respecto á dotación de servizos ou melloras en Galicia”
A XUNTA REQUERIRÁ AO GOBERNO CENTRAL, POR PROPOSTA DO GRUPO POPULAR, QUE SUBSTITÚA O HELIMER GALICIA
* Segundo as previsións do Goberno central, o substituto do actual Helimer tiña que ter chegado a Galicia en febreiro deste ano, pero a substitución aínda no se produciu, un “desinterese” que contrasta “cos esforzos que está a desenvolver a Consellería do Mar no referido ao reforzo dos medios e do cadro de persoal do servizo aéreo dos Gardacostas de Galicia”.
* O actual helicóptero supera os 17 anos de antigüidade e a Sociedade Estatal de Salvamento e Seguridade Marítima anunciou a súa substitución en febreiro de 2008
Santiago, 21 de setembro de 2009.- O Pleno do Parlamento debaterá na sesión desta semana unha Proposición non de Lei do Grupo Popular pola que a Xunta requerirá ao Goberno central que substitúa o helicóptero do servizo estatal de Salvamento Marítimo con base na Coruña, coñecido como Helimer Galicia, que é o máis antigo da súa serie que opera en toda a costa española. Os populares reivindican que as operacións de salvamento marítimo no litoral galego sexan atendidas por un modelo de helicóptero moito máis moderno e funcional, capaz de garantir co maior acerto a seguridade, saúde e integridade física das xentes do mar que se vexan involucradas nun sinistro marítimo.
O portavoz de Mar do Grupo Popular e asinante da iniciativa, José Manuel Balseiro, salienta que o Goberno de Zapatero “incumpre unha vez máis as súas previsións con respecto á dotación de servizos ou melloras en Galicia”. Así, lembra que, segundo as previsións do Goberno central, o substituto do actual Helimer tiña que ter chegado a Galicia en febreiro deste ano, pero a substitución aínda no se produciu, un “desinterese” que contrasta “cos esforzos que está a desenvolver a Consellería do Mar no referido ao reforzo dos medios e do cadro de persoal do servizo aéreo dos Gardacostas de Galicia, non só reforzando as tripulacións e a operatividade das súas aeronaves, senón introducindo as melloras técnicas máis avanzadas”. O deputado subliña que “está a converterse nunha práctica habitual que desde o Goberno central se incumpran as previsións de reforzo e modernización dos medios de salvamento marítimo”.
DESIDIA DO GOBERNO DE ZAPATERO
O actual helicóptero, un Sikorsky S-61N, supera os 17 anos de antigüidade e a Sociedade Estatal de Salvamento e Seguridade Marítima (SASEMAR) anunciou a súa substitución por un novo modelo máis moderno –o Augusta Westland 139s- en febreiro de 2008, dentro do Plan Nacional de Salvamento 2006-2009, no que se marcou o obxectivo de renovar a flota con cinco novos aparellos, logo de que un deles sufrira un accidente en 2006, no que resultou morto un Garda Civil. Sen embargo, e malia que SASEMAR ten substituído xa outras aeronaves, como as que teñen a súa base en Reus, Valencia, Almería, Tenerife Sur, Palma de Mallorca e Xixón, e que o de Galicia estaba previsto para febreiro de 2009, “aínda non temos noticias sobre a súa chegada”.
A obsolescencia do actual Helimer Galicia deu lugar a graves problemas “que non poden admitirse nun servizo que debe garantir unha cobertura axeitada en caso de emerxencia”. Así, o deputado popular lembra casos como o naufraxio do Rosamar, no que foi necesario que o Pesca II, dependente da Xunta, substituíra nas operacións ao Helimer, deixando así descuberta a costa lucense, ou o rescate do Cordero, no que o helicóptero do SASEMAR tivo que ser suplido por outro modelo distinto que dispón de menor calidade nas súas prestacións.
Balseiro salienta que o PPdeG “observa con preocupación a falta de interese e manifesta desidia do Goberno socialista de Zapatero respecto desta cuestión que afecta á seguridade no traballo e á integridade física e saúde das xentes do mundo do mar e dos propios membros do cadro de persoal do SASEMAR”. Igualmente, considera que esta actitude “desacredita aos socialistas cando acusan a outros de escatimar recursos para os servizos esenciais”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
