Nota de Prensa
Preto de 4.000 mariñeiros galegos das flotas de palangre de superficie, Gran Sol e caladoiro nacional están aínda á espera de recibir as axudas correspondentes ao cese temporal decretado polo Goberno central en 2008.
O PPdeG RECLAMARÁ NO PARLAMENTO QUE OS PAGOS DAS AXUDAS POLA PARALIZACIÓN TEMPORAL DA FLOTA SE ABONEN AO FINALIZAR O PERÍODO NO QUE SE ESTABLECEU A PARADA
* Naqueles casos nos que o cese de actividade supere o mes os populares creen necesario que as axudas se ingresen cada 30 días ata a finalización do cese de actividade
* Jose Manuel Balseiro Orol afirma que os mariñeiros non teñen por que verse prexudicados polo “colapso burocrático” do Ministerio de Medio Ambiente, Medio Rural e Mariño nin soportar longos períodos de tempo sen ingresos agora que a crise afecta con especial virulencia ás economías familiares das xentes do mar
Santiago, 15 de setembro de 2009.- Preto de 4.000 mariñeiros galegos das flotas de palangre de superficie, Gran Sol (NEAFC) e do caladoiro nacional están aínda á espera de que se efectúen os ingresos das axudas derivadas dos ceses temporais da súa actividade pesqueira decretados polo Goberno central no 2008. Para corrixir esta situación, e como fórmula que no futuro podería evitar estas demoras, o PPdeG vén de reclamar ao Goberno central unha modificación do actual sistema de pagamento. Os populares rexistraron unha iniciativa no Parlamento de Galicia a través da que piden que o departamento estatal de Medio Mariño -que dirixe a socialista Elena Espinosa- efectúe o pago destas axudas “con celeridade e cando de verdade son necesarias”, e para iso propoñen que os abonos se leven a cabo ao finalizar o período no que estableceu a parada “e non moito tempo despois como acontece agora”. Naqueles casos nos que o cese de actividade supere o mes, os populares propoñen que as axudas se ingresen cada 30 días, como si se tratase dun subsidio ou da prestación por desemprego.
LENTITUDE ADMINISTRATIVA
O voceiro do Mar do Grupo Parlamentario Popular, Jose Manuel Balseiro Orol, autor desta iniciativa, explicou que os mariñeiros “non teñen porque verse prexudicados polo colapso burocrático, a lentitude administrativa e a falta de interese” do Ministerio de Medio Ambiente, Medio Rural e Mariño, nin soportar longos períodos de tempo sen obter os seus ingresos, “máxime agora que a crise repercute con especial virulencia nas economías familiares das xentes do mar”.
En resume cómpre actuar en beneficio do “colectivo máis vulnerable do sector pesqueiro”, isto é, os tripulantes afectados polo cese temporal de actividade, establecendo procedementos de supervivencia e garantía que contribúan a paliar a gravidade da súa situación durante o tempo no que se prolongue a parada e non moitos meses despois cando, malia que seguen a ser necesarias estas axudas, xa non permiten compensar o momento xusto no que, como consecuencia do cese de actividade, non se están a obter ingresos.
Ao redor de 450 barcos galegos destas flotas vense afectados anualmente polos ceses temporais da actividade pesqueira decretados desde a Administración central co obxecto de regular os esforzos pesqueiros e garantir o bo estado dos recursos biolóxicos. Malia que o Goberno central de xeito habitual aproba unha liña de axudas tanto para as empresas armadoras como para os tripulantes, o proceso burocrático prolonga o abono final destas cantidades incluso meses despois de efectuado o cese de actividade.
PUBLICACIÓN TARDÍA DO DECRETO DE AXUDAS
Balseiro Orol censura a “falta de sensibilidade” do Goberno central actual para con estas flotas xa que lonxe de mellorar os procedementos polos que se outorgan este tipo de axudas “están a empeoralos”. O voceiro do Mar afonda neste argumento e explica que na actualidade o Executivo de Zapatero se demorou en exceso na publicación da orde de axudas para mariñeiros –que apareceu en xullo, cando en moitos casos as paradas xa se tiña efectuadas nos meses de novembro e decembro- A esto ademais hai que engadir a falta de ingreso das cantidades correspondentes en beneficio dos tripulantes pese a que cumpren cos requisitos establecidos para ser beneficiarios delas. “Hai mariñeiros que están a facer a segunda parada biolóxica sen ter percibido as axudas correspondentes ao primeiro cese de actividade”-explicou Balseiro Orol.
ACORDO UNÁNIME DAS FORZAS POLÍTICAS GALEGAS
O voceiro do Mar dos populares apela a “responsabilidade e ao compromiso coas xentes do mar” que, como o Partido Popular, teñen que asumir o resto das forzas políticas parlamentarias da Cámara, para que apoien esta iniciativa e poida contar cun respaldo unánime do Parlamento que permitiría fortalecer a reclamación ante o Goberno central. Os populares aseguran que a lexislación comunitaria e estatal que regulamenta todos estes paros biolóxicos dispón de procedementos dabondo para lograr o adianto destes pagamentos con respecto á fórmula actual, e por iso non comprenden como é posible que o Executivo socialista central non teña asumido este procedemento antes. “En vez de pensar no mellor xeito para axudar aos mariñeiros a superar estes períodos sen ingresos, ou en instrumentos para combater a actual crise, os socialistas concentran os seus esforzos en buscar a maneira de subir os impostos e asfixiar máis aínda a delicada situación económica pola que pasan moitos dos nosos sectores produtivos e, entre eles o da pesca.”-conclúe Balseiro Orol.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
