LUGO .- O Presidente da Deputación, José Ramón Gómez Besteiro, e a Vicepresidenta Segunda, Lara Méndez, reuníronse este venres cos alcaldes dos Concellos da Mariña para propoñerlles un ambicioso proceso de certificación medioambiental dos areais urbanos e semiurbanos da provincia. Gómez Besteiro salientou que “con esta iniciativa damos un paso máis na aposta polo ecoturismo; polo medio ambiente como unha oportunidade económica, facendo que as nosas praias sexan 100% sostibles”.
O máximo mandatario provincial lembrou que “Lugo conta con máis de 100 quilómetros de costa e con máis de 60 praias únicas que para moitos seguen a ser unhas descoñecidas. Por iso, hoxe propuxémoslles aos rexidores da Mariña a posta en marcha dunha iniciativa que converta as nosas praias nun referente ecoturístico en España”.
O Presidente explicou que a Deputación xunto cos Concellos traballarán para obter o certificado de calidade para praias “ISO 14001” que só teñen 5 areais galegos. “A provincia conta con 24 praias distinguidas coa bandeira azul, unha certificación que se concede nun momento concreto, e que non ten en conta a mellora ou o empeoramento da costa. É como unha foto fixa”. Asimesmo, a praia de Foz ten o distintivo Q de Calidade turística que valora aspectos estéticos, e que afectan directamente aos usuarios.
Pola contra, Gómez Besteiro subliñou que “a certificiación ISO 14001 e máis esixente. As praias deberán mellorar en todos os sentidos e garantir o cumprimento das leis de forma directa ou indirecta para conservala”. Neste senso, o titular provincial explicou que, para renovar esta acreditación, anualmente inspectores avalían dende a calidade da agua, os servizos aos usuarios, se o persoal ou o equipamento ten a licenza correspondente, ata se as empresas relacionadas cos areais cumpren estrictamente as leis etc.
Certificación antes do verán
Antes do verán as praias dos Concellos que se adhiran a iniciativa do organismo provincial terán a certificación ISO 14001. Gómez Besteiro salientou que “este tipo de iniciativas están comezando a contemplarse nos fondos europeos, polo que a Deputación xa se están adiantando con este tipo de axudas. Empezaremos polas praias urbanas e semiurbanas porque son as que teñen maiores dificultades, aínda que a nosa intención é ampliar a liña ás 62 praias da Mariña”.
O Presidente subliñou que “a iniciativa fomenta o ecoturismo e é unha oportunidade económica, sobre todo, nestes momentos de criste. É importante que a Xunta e o Goberno Central se impliquen tamén no proxecto. Nós xa vamos destinar unha partida específica a este fin nos Presupostos de 2010”.
No acto de presentación do ambicioso proxecto medioambiental da Deputación, estiveron presentes o Deputado de Medio Ambiente, Ricardo Parada, o Deputado de Cultura e Deporte, Antonio Veiga, ademais de alcaldes de todas as cores políticas que acudiron logo de aceptar a invitación do Presidente da Deputación. En total foron 7 os rexidores que participaron na xuntanza: Fernando Suárez, (Ribadeo); Jose María García (Foz), Alfonso Villares (Cervo), Alfredo Llano (Burela), Melchor Roel (Viveiro), Alfonso Fuente (Barreiros), e José Jesús Novo (O Vicedo). O alcalde de Xove, José Salgueiro, non puido participar por motivos de axenda.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
