CERVO .- O alcalde de Cervo, Alfonso Vilares, proporá que sexan distinguidos como fillos adoptivos do Concello de Cervo, Isaac Díaz Pardo e Francisco Moisés Rivera Casás. A iniciativa do mandatario cervense prodúcese trala entrada en vigor do regulamento especial de honras e distincións do Concello de Cervo coa súa publicación no boletín oficial da provincia.
Nota de Prensa
DÍAZ PARDO E RIVERA CASÁS SERÁN PROPOSTOS POLA ALCALDÍA PARA SEREN GALARDOADOS COMO FILLOS ADOPTIVOS DE CERVO
* Os dous candidatos forman parte da historia viva de Cervo e foron protagonistas directos dos cambios e logros acadados por este concello no último século
* Unha vez se formalice oficialmente a proposta da alcaldía, iniciarase o procedemento de elaboración dos expedientes co obxecto de acreditar os seus méritos ao título
Cervo, 15 de outubro de 2009.- Trala entrada en vigor do regulamento especial de honras e distincións do Concello de Cervo coa súa publicación no boletín oficial da provincia o alcalde de Cervo, Alfonso Villares, avanzou que dende a alcaldía proporase ao intelectual Isaac Díaz Pardo e ao mestre Francisco Rivera Casás para seren galardoados co título de fillo adoptivo do municipio.
Segundo manifestou o alcalde, os dous persoeiros propostos teñen recoñecementos sobradamente merecidos para seren acredores a esta distinción “e por iso pretendemos saldar unha débeda de gratitude que temos todos os veciños de Cervo con ámbolos dous”. Na súa opinión Díaz Pardo e Rivera Casás forman parte da historia viva de Cervo e son protagonistas directos dos cambios e logros acadados por este concello no último século. “Por iso penso que non pode haber persoas máis axeitadas para abrir a lista de galardoados con esta distinción” asegurou Villares.
Unha vez se formalice oficialmente a proposta da alcaldía, iniciarase o procedemento de elaboración dos expedientes de ámbolos dous candidatos co obxecto de acreditar os seus méritos ao título. Para elo, o alcalde nomeará a un instrutor entre os concelleiros da corporación, que será o encargado de recabar información dos dous candidatos entre persoas, asociacións, colectivos e institucións de ámbito municipal, provincial, autonómico e estatal.
A intención do Goberno local é iniciar estes trámites canto antes, “entre outras cousas porque nos gustaría que polo menos a concesión do galardón de fillo adoptivo para Isaac Díaz Pardo poida facerse efectiva neste ano, coincidindo así co Bicentenario do pasamento do Marqués de Sargadelos” sinalou o alcalde cervense.
O regulamento de honras e distincións do Concello de Cervo ten por obxecto premiar ou recoñecer as actuacións de persoas que poidan ser merecedoras destas títulos pola súa traxectoria profesional ou persoal. Para iso, o regulamento establece as distincións de fillo adoptivo para aquelas persoas nacidas no termo municipal; e a de fillo adoptivo para aqueles candidatos que non habendo nacido no concello teñen un vinculo especial con el.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
