RIBADEO (FNC) .- Remourelle e Vilaosende serán escenario este mes de dous obradoiros do Servizo Galego de Promoción da Igualdade do Home e da Muller, segundo ven de anunciar a concelleira Mariluz Álvarez Lastra.
O día 20 de outubro terá lugar na escola de Remourelle entre as 15 e as 19 horas “un obradoiro de desenvolvemento persoal (autoestima) para tentar axudarnos a levar da mellor forma posible aquelas situacións persoais que nos afectan ao longo da vida”, explica a edil de Muller. Álvarez Lastra engade que “o segundo é un obradoiro de musicoterapia que se celebrará no teleclube de Vilaosende co que se pretende potenciar o emprego da música e o ritmo como elementos de comunicación e educar tamén para a saúde”.
A concelleira nacionalista sinala que “os obradoiros son só para mulleres e ainda que se desenvolvan nesas parroquias en concreto, poden ir todas aquelas mulleres do concello de Ribadeo que o desexen. O único que teñen que facer é anotarse chamando ao teléfono do CIM: 982 120 739. Tamén poden dirixirse a nós en busca de máis información sobor destes cursos ou sobor do resto da programación que organizamos para as vindeiras semanas”.
ÚLTIMA HORA
- Olimpia López destaca en Trabada o apoio do Goberno aos novos agricultores co Programa Cultiva
- Cervo abre o prazo de inscrición para a nova tempada das Escolas Deportivas Municipais
- O colexio de Trabada inicia o curso tras novas melloras nas súas instalacións
- A XIV Xuntanza Cantos de Taberna de Mondoñedo celebrarase este sábado na Praza do Concello
- A XIV Xuntanza Cantos de Taberna de Mondoñedo celebrarase este sábado na Praza do Concello
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624. - A IV Festa dos Ovos Rotos con Chourizo e a Feira de Artesanía de Ribeiras de Lea celebraranse o 12 de setembro en Castro de Rei, con apoio da Xunta
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos. - Alfonso Villares participa nos actos con motivo da Patroa de Ribadeo
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo. - O deputado de Medio Ambiente e alcalde da Fonsagrada, Carlos López López, participou no XXXIII Concurso de Gando Cabalar, Mular e Asnal, celebrado no Mercado Comarcal Gandeiro
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega. - Ata o venres 18 de setembro permanecerá cortado ao tráfico un treito da estrada provincial LU-P-2604 debido ao inicio dos traballos de fresado e posterior aglomerado e quente na vía, que comunica Xove con Valcarría
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros. - O vindeiro 26 de setembro celebrarase a Presentación das San Lucas 2026, unha xornada festiva que combinará gastronomía, música e tradición
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba. - O deputado Daniel García achegouse ao festival Osa do Mar de Burela, que se celebrou este fin de semana en Burela e que contou un ano máis coa colaboración da Vicepresidencia da Deputación
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
2021 Crónica 3 A Mariña - Implementado por GaliciaDigital