Nota de Prensa
A Construtora Hispánica foi a máis favorecida pola trama Gurtel, atopándose o seu presidente imputado no sumario da mesma
O BNG solicita a Rivera que explique por que contratou a unha empresa madrileña implicada na trama Gurtel
O Bloque Nacionalista Galego solicita que o Alcalde do Concello de Foz, José Maria García Rivera, clarifique cales foron as razóns que levaron a principio de 2007 ao mesmo a contratar coa empresa madrileña Hispánica o arranxo da travesía de Foz desde a Pena en Vilaxoane até a Rotonda de Forxán unha vez que Fomento lle cedeu este tramo da antiga N-642 ao Concello.
Hai que ter en conta que a Construtora Hispánica, segundo a parte do sumario do caso Gurtel coñecida, foi a empresa construtora que máis diñeiro pagou en comisións a trama corrupta dirixida por Correa até o punto de que o Presidente da mesma atopase a día de hoxe imputado por este sumario. Segundo o reconto realizado pola policía a Construtora Hispánica abonou seis pagos de 4.192.000, sendo segundo o sumario a empresa que máis enriqueceu a trama corrupta. O propio presidente da compañía Alfonso García Pozuelo, presidente de Constructora Hispánica, aparece nos apuntes da contabilidade b (diñeiro negro ) das empresas de Francisco Correa.
Neste sentido desde o BNG urximos que por parte da Alcaldía a maiores de aclarar as razóns de que se contratase a unha empresa de fora, que os traballos que realizou en Galiza son basicamente para o ente público Portos de Galiza no momento en que Pablo Crespo era membro do seu Consello de Administración, se clarifique cal foi a contía do abonado a mesma por esta obra.
Na mesma liña demandamos que se aclare se na obra da Travesía de Foz se fixo algún tipo de modificado de proxecto e si se cumpriron a totalidade de cláusulas do prego económico administrativo así como se o proxecto foi executado na súa totalidade. Asemade desde o BNG solicitase que se aclaren, se o Concello as coñece, as razóns polas que a Construtora Hispánica subcontratou os traballos que realizou en Foz e se esta empresa contaba con medios e persoal propio para executar os traballos.
Xa por último desde o BNG reclamase ao Concello que aclare se esta empresa realizou algún traballo máis en Foz, ben sexa para unha administración pública ou algún tipo de obra privada.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
