NOTA DE PRENSA
O CONSELLO LOCAL DO BNG CONSIDERA QUE A BURELA VAILLE MOITO PEOR DESPOIS DE SEIS MESES DE GOBERNO DO PP NA XUNTA DE GALICIA
A situación do emprego, dos servizos públicos como sanidade, educación ou servizos sociais e a vivenda en todo o que depende do goberno do PP empeoraron significativamente no concello de Burela.
En relación co emprego e tomando as estatísticas oficiais da propia Xunta, fagamos as comparacións que fagamos observamos que cada vez máis veciños e veciñas de Burela están en paro. Segundo os últimos datos de outubro deste ano son 538 as persoas sen traballo en Burela, 132 máis que hai un ano, 20 máis que hai seis meses e 48 máis que hai un mes.
Isto demostra que nada fixo e nada fai o PP para paliar esta situación, nada para solucionar a constante sangría de paro nas empresas auxiliares de Alcoa, nada ante a paralización da actividade en Gres Burela, e poderíamos seguir. Todo isto despois de observar a gran demagoxia utilizada en grandes doses polo PP en boca do deputado Sr. Balseiro en relación con este asunto no pasado e realizando grandes promesas de solución se eles gobernaban establecendo un plan para evitar o destrución de emprego.
En canto aso servizos públicos observamos máis deterioro e carencias:
No ensino: a grande maioría dos veciños e veciñas de Burela teñen que pagar a totalidade ou unha grande parte do custe dos libros de texto despois de que o deputado do PP afirmara o seguinte: “Non podemos conformarnos con que algunhas familias teñan que pagar curso tras curso entre 50 e 60 euros”. “Hai que garantir que as familias non teñan que pagar un só euro polos libros de texto que empregan os seus rapaces no seu proceso educativo”.
Na sanidade: peores condicións laborais e retributivas do persoal que traballa nos centros de saúde e no hospital coa negativa a cumprir os acordos asinados polo anterior goberno. Paralización do plan director do Hospital. Anuncio de supresión da xerencia en Burela que significará a perda de especialidades asistenciais, que facultativos de Burela van ter que cubrir baixas noutros centros de Lugo e que ademais se vai perder emprego no Hospital da Costa.
Nos servizos sociais: supresión de persoal no centro de día de Burela.
En vivenda: paralización do plan sectorial de Vivenda protexida no concello sen ningunha alternativa. Paralización dos proxectos de mellora das vivendas das Casas Baratas.
Supresión do servizo de autopsias sine die no Hospital da Costa.
Eliminación da vixilancia no porto poñendo en risco a seguridade das instalacións, que xa produciu un aumento de roubos e desperfectos.
Diminución das axudas aos clubs deportivos.
Se podemos falar sen ningunha dúbida de paralización e retroceso nestes últimos seis meses de desgoberno e de deconstrución do realizado tampouco auguramos un futuro mellor para Burela cando observamos os orzamentos da Xunta de Galicia para o ano 2010.
Non hai nada novo, nada que non estivera previsto e comprometido polo goberno anterior ( abastecemento de auga, acceso ao porto) e por suposto nada contemplan sobre as demagóxicas promesas realizadas polo PP a través do seu representante de verbo máis desaforado.
Onde están os investimentos para o prometido: nova gardería ( Escola Infantil), centro de Alzheimer, ampliación do Hospital, pago do 90 % dos custes dos comedores xestionados polas ANPAS, instalacións deportivas, escola náutico pesqueira, gratuidade total dos libros de texto…
Todo isto amosa a verdadeira faciana do PP, a da mentira e o engano como xeito de facer política sen ningún tipo de escrúpulo. Os resultados desta política os están sufrindo en Burela sobre todo os máis desfavorecidos.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
