O goberno local recupera unha axuda ao club que non tiña desde hai case unha década
Ortigueira, 23 de xullo de 2026. O alcalde de Ortigueira, Valentín Calvín, e a concelleira de Deportes, Isabel Rego, asinaron onte a concesión dunha subvención nominativa ao Fútbol Club Ortigueira, un apoio que a entidade deportiva non recibía desde hai practicamente unha década. Ao acto de sinatura, por parte do club, asistiron o seu presidente, José Corral, e a secretaria da entidade, Dolores García.
O acordo contempla un apoio económico que ascende a 12.000 euros, unha partida que xa estaba reservada no actual orzamento municipal. O principal obxectivo é apoiar o FC Ortigueira para que continúe sendo un axente fundamental para a dinamización deportiva do municipio.
A entidade deportiva erixiuse como un piar básico na promoción do deporte no municipio, especialmente entre a poboación máis nova. Bo exemplo disto é o campus deportivo que, nestes momentos, está finalizando o seu primeiro turno. Nel, nenos e nenas de 6 a 16 anos practican deportes como pádel, voleibol, baloncesto, natación ou, por suposto, fútbol. Do 3 ao 7 de agosto terá lugar o segundo turno desta actividade que combina á perfección deporte, saúde, diversión e conciliación.
Outro exemplo da integración a través do deporte que fomenta o FC Ortigueira é a posta en marcha a comezos deste ano dun equipo Genuine, en colaboración co propio Concello e coa Asociación ASPROMOR. Esta iniciativa tivo unha acollida inmejorable entre os e as deportistas e tamén entre os veciños e veciñas.
A concelleira de Deportes, Isabel Rego, subliña a importancia de recuperar un apoio “que consideramos básico a una entidad fundamental en el fomento del deporte en nuestro municipio”. Tanto Rego como Calvín celebran que, grazas ao novo orzamento, se poidan instrumentalizar apoios tan necesarios como estes.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
