NOTA DE PRENSA
Veiga crítica que o PP mire cara outro lado diante da destrución de emprego e a precarización das condicións laborais
O BNG denuncia que o plan “Lugo Avanza”
non ten consignación Orzamentaria.
O Bloque Nacionalista Galego presentou nas súas emendas aos orzamentos da Xunta e do Estado a solicitude de que se incluísen partidas por 12 millóns de Euros a fin de poñer en marcha un plano de choque que permita dar resposta á situación de crise que atravesa a Comarca da Mariña.
Os nacionalistas lamentan que a proposta de Plano anti-crise “Lugo Avanza” anunciado por Feijoo tras o Consello da Xunta celebrado en Lugo quedara en mera propaganda desde o momento en que o mesmo non se contempla por ningures na proposta orzamentaria para 2010. Na mesma liña de ausencia de medidas de estimulo económico recollidas nos orzamentos, hai que destacar a paralización práctica das grandes infraestruturas da Mariña, que como investimento público representaría un elemento central de dinamización económica ou a negativa a por en funcionamento os proxectos na área benestar, o Xeriátrico de Viveiro exclusivamente representaría máis de 120 Empregos. O Goberno Feijoo mostrase ausente á hora de enfrontar a crise, mirando cara outro lado diante das grandes dificultades que atravesan traballadores, autónomos e PEMES na comarca, negándose a mobilizar recursos públicos como están a facer a case que totalidade de gobernos do mundo para responder a esta situación de grave dificultade económica.
O BNG non vai mirar para outro lado como está a facer o PP que xa non só tira ao lixo as súas propostas electorais senón tamén as institucionais como as que vimos de referir. Non estamos diante dunha crise que afecta só a un sector da actividade económica, pola contra, tanto o sector primario, como secundario, como o terciario ven comprometidos o seu futuro, traducíndose en destrución de emprego, precarización das condicións laborais e redución da actividade económica. Vai como exemplo o continuo feche de explotacións agrarias ou a perda de 422 postos de traballo no mar desde xaneiro de 2008 a Abril de 2009, os EREs nas que se atopan varias empresas das máis significativas da Comarca, a parálise da actividade promotora cun stock de preto de 8000 vivendas, por non falar das máis de 1200 baixas no réxime de autónomos no que vai de 2009.
Os nacionalistas consideramos particularmente preocupante as dificultades das empresas a hora de acceder a financiación pola política de restrición do crédito que están a levar adiante as entidades financeiras e que está a poñer en risco proxectos empresarias viábeis. Ante a falla de resposta dos operadores privados aos problemas de tesourería co que se atopan as empresas, non é de recibo que nos Orzamentos de 2010 se fagan recortes nos orzamentos na área de refinanciamento do IGAPE, o que dificulta a capacidade de intervención dos operadores públicos. O BNG esixe que se creen liñas específicas nos orzamentos de 2010 que reforcen a capacidade do sector público de achegar financiamento para aliviar a tesourería das PEMES.
Asemade desde o BNG queremos criticar a falta de compromiso da Xunta de Galiza, como autoridade laboral competente, á hora de impulsar o avance da negociación colectiva. Non é de recibo que o Goberno Galego fique quieto e permita enquistar conflitos laborais na discusión dos convenios, posto que as políticas que afonden na perda de poder adquisitivo da clase traballadora non fan máis que acentuar a crise, na medida que significan diminución da capacidade de consumo interno. Os nacionalistas non imos permitir que sexan as clases traballadoras quen pague as consecuencias dunha crise que non provocaron.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
