RIBADEO (FNC). O alcalde de Ribadeo, Fernando Suárez, explicou que a visita do presidente da Deputación de Lugo, José Ramón Gómez Besteiro, foi para “seguir dando pasos neste compromiso que o presidente mantivo aquí en Ribadeo hai dous meses no sentido de avanzar nesta maravilla que temos aquí, pero que forma parte do patrimonio dos galegos como é a praia das Catedrais. Desde Ribadeo sempre decimos que esto de tan ben que vai pode chegar a morrer de éxito senón tomamos medidas que exceden a capacidade do Concello e se converte en algo xa supramunicipal”.
Suárez Barcia engadiu que “para eso, dado que un dos viais que circundan esta zona é da Deputación Provincial de Lugo, o presidente se comprometeu en buscar maneiras de mellorar esto, respetando a zona de Rede Natura, a zona de monumento natural, respetando toda canta normativa hai que aquí se concentra… temos que buscar saídas para que a xente que visita este areal durante todo o ano teña mellores accesos e mellor celeridade para entrar e saír. Entendemos que quizáis esto non só se deba limitar á Deputación Provincial de Lugo, somos ambiciosos e cremos que máis institucións coma a Dirección General de Costas tamén se poidan comprometer con este proxecto”.
Fernando Suárez agradeceu a presenza de José Ramón Gómez Besteiro en Ribadeo, a onde acudiu acompañado pola vicepresidenta Lara Méndez. Á súa chegada foron recibidos no Concello, onde mantiveron un encontro co alcalde e cos voceiros das outras formacións políticas e despois desprazáronse ata a praia das Catedrais
Pola súa banda, o presidente da Deputación sinalou que “existe un compromiso para amañar esta estrada provincial ao seu paso por Ribadeo, e agora o que temos que facer é un proxecto para non estropear todo esto. A xente ten que chegar ata aquí comodamente, pero non ao pé da praia”. Gómez Besteiro dixo que “hai unha cantidade asignada para este proxecto duns 540.000 euros para facer un tramo que non chega aos dous kilómetros de lonxitude”. O presidente da institución provincial anunciou que “a vindeira semana estarán aquí os técnicos da Deputación para facer eses cálculos”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
