LUGO .- O Presidente da Deputación, José Ramón Gómez Besteiro, e o Director de Caixa Galicia, José Luis Méndez, acompañados dos investigadores da Universidade de Santiago encargados da redacción do Plan Estratéxico, presentaron este mércores as principais liñas de actuación do documento para o que se contou coa colaboración do Centro de Investigación Económica e Financieira da Fundación Caixa Galicia.
No acto no que tamén participou o Vicepresidente Primeiro, Antón Bao, Gómez Besteiro subliñou que “un dos compromisos deste equipo de goberno foi a redacción dun Plan Estratéxico da provincia para o período 2008-2015, o primeiro a nivel provincial, e que será a nosa folla de ruta a seguir nos vindeiros anos para lograr o crecemento e o desenvolvemento da provincia. Deste xeito, temos por primeira vez unha visión global e real das necesidades de Lugo, o que nos permitirá reinventir os cartos en proxectos estratéxicos”.
A diagnose permite detectar as fortalezas e oportunidades que transformarán esta provincia nun territorio coa máxima proxección de futuro e onde o 67 Concellos son os grandes beneficiados. A versión definitiva recollerase nunha publicación final, “polo que rematamos a primeira fase do compromiso adquirido, e a finais de decembro estaremos en condicións de entregarllo ós grupos, e como tamén farei chegar ó Presidente da Xunta de Galicia para complemento ó Plan Impulsa Lugo. Está nas mans de todos o futuro da nosa provincia no que todos debemos traballar de forma conxunta”.
A diagnose é o resultado das 18 mesas sectoriais nas que estiveron representantes de todos os axentes socioeconómicos da provincia e nas que avaliaron a situación na que se atopa Lugo para captar futuros investimentos. En total, entre administracións públicas, Universidade, Sindicatos, Organizacións Empresariais e os veciños dos Concellos participaron máis de 100 persoas.
Pola súa banda, José Luis Méndez subliñou que “Caixa Galicia estará siempre a la disposición de la Diputación para tomar decisiones conjuntas y claves para el futuro de Galicia”. Neste senso, indicou que “este proyecto es una herramienta estratégica que con contribuye al bienestar de Lugo. Por eso es importante que se lleve a la Xunta para que los territorios tengan mayor protagonismo y dejemos de ver sólo esa diagonal formada por Coruña, Santiago y Vigo”.
O horizonte do Plan toma como referente o vixente período de planificación da política rexional da Unión Europea, na que por última vez Galicia e Lugo contarán con un importante fluxo de fondos comunitarios, que en etapas importantes, xogaron un papel importante no crecemento da economía galega.
Visión conxunta da provincia
Para determinar os eixos de actuación, Gómez Besteiro explicou que “se dividiu a provincia en catro zonas e 18 sectores nos que se plantexan 15 liñas de actuación, sen perder a perspectiva de provincia”:
1.- Zona Costeira.- A actividade pesqueira desta zona concéntrase, principalmente, nos Concellos do Vicedo, Burela e Viveiro, representando o 50%. Segundo a diagnose, e tendo en conta que este é o sector estratéxico da Mariña, os puntos clave nos que se deberá traballar son: búsqueda de novos mercados; xeración de redes de investigación no eido da pesca e promoción dos produtos mariños; e intensificar a promoción turística da zona, algo ó que contribuirá a certificación medioambiental das praias na que xa estamos a traballar xunto cos Alcaldes da Mariña.
2.- Zona Centro.- O sector agrario supón o principal motor económico desta zona e as liñas pasan pola consolidación das producións de leite e carne de vacún para facer máis competitivas as explotacións; apoio á industrialización para xerar valor engadido na transformación do leite e carne e das súas denominacións de calidade (Queixo de San Simón, Tenreira Galega….); fomento da economía a través do turismo, aproveitando que o Camiño Norte, Primitivo e Francés transcorren por esta zona. Por último, tendo en conta as condicións orográficas da Terra Chá, tamén se promoverá a posta en marcha de instalacións foltovoltaicas e de biomasa.
3.- Zona Montaña.- A análise constata que o despoboamento da provincia é un problema fundamental para o desenvolvemento de Lugo, tras caer desde os casi 550.000 habitantes nos anos 1940 ata os pouco máis de 350.000 en 2008. Neste senso, deberase mellorar o saneamento daqueles Concellos máis perxudicados pola dispersión xeográfica e polo avellentamento da poboación, así como das prestacións sociais como a sanidade ou a educación, e promover o uso das novas tecnoloxías para dinamizar o rural.
A produción de carne de vacún lidera este sector a nivel provincial, por iso, deberase apostar pola mellora da posición competitiva da Tenreira Galega e da produción ecolóxica, ademais de pola comercialización doutros produtos típicos da montaña, tales como castañas, noces e cogumelos, para xerar valor engadido a estas producións.
4.- Zona sur.- Neste caso as liñas de actución inclúen a promoción dos viños da Ribeira Sacra o que deberá ir da man do turismo rural e do enoturismo (turismo do viño); impulso da horticultura e da súa comercialización e explotar a potencialidade de Monforte como intermodal de mercaderías.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
