NOTA DE PRENSA
VILLARES INTENTA LAVARSE AS MANS BOTANDO A CULPA A OUTROS DE ASUNTOS QUE SON DA SÚA RESPONSABILIDADE
Os nacionalistas din que a nova rede de saneamento non vai chegar para solucionar os problemas de inundacións en San Cibrao
O PP anunciou o saneamento en 2001 e só chegou a adxudicar a obra cando xa perdera as eleccións en 2005.
Cervo, 18 de novembro de 2009. Non é ao BNG a quen lle toca dar explicacións sobre a persistente problemática de inundacións en San Cibrao xa que non era unha área de goberno en mans nacionalistas no anterior goberno galego, en calquera caso non imos agochar dar a cara cando se fan alusións inxustificadas por parte do alcalde que intenta lavarse as mans diante dun problema que é da súa directa responsabilidade. Os nacionalistas lembran que o PP anunciou o saneamento de Cervo e San Cibrao dende 2001 e nunca chegou a consignar ningunha partida orzamentaria mentres gobernaron a Xunta de Galiza.
Os nacionalistas preocupáronse por este tema no Parlamento durante o anterior goberno, recoñecendo que por diferentes motivos a Consellaría de Medio Ambiente non cumpriu
Ao BNG non lle doen prendas en recoñecer que a anterior Consellaría de Medio Ambiente non cumpriu co seu compromiso de inicio das obras para a construción da rede de saneamento e EDAR para San Cibrao no último trimestre de 2006, neste sentido era a resposta dos anteriores responsábeis de Medio Ambiente diante das preguntas presentadas polo BNG no Parlamento Galego en maio de 2006, asegurando ademais que o proxecto de execución sería o mesmo que redactara a Consellaría dirixida por José Manuel Barreiro do PP, que pretendía aproveitar o mesmo emisario inservíbel da Atalaia e os mesmos colectores que hoxe hai ao longo da praia do Torno; en calquera caso a obra non foi executada na data comprometida entre outros motivos por non dispoñer dos terreos, cambios na empresa adxudicataria e modificacións no proxecto inicial que permitirán, entre outras, a construción dun emisario novo con saída ao mar no polígono de Cuíña co que o proxecto inicial foi mellorado dun xeito importante pasando dunha previsión inicial anunciada no 2002 por 2.217.279,91 euros aos 3,6 da actualidade.
O Tte. Alcalde José Manuel Balseiro anunciou o inicio das obras de saneamento de San Cibrao e Cervo para finais de 2001.
Os nacionalistas non pasan por alto a historia que rodea esta obra, anunciada en 2001 polo Tte. Alcalde José Manuel Balseiro, co proxecto exposto ao público na Casa do Mar de San Cibrao en 2002, a aprobación unánime dunha moción do BNG en outubro de 2004 que instaba á execución da obra en 2005, con emendas aos orzamentos da Xunta de 2005 votadas en contra polo PP no Parlamento, a adxudicación da obra en xullo de 2005 polo goberno popular cando xa perderan as eleccións autonómicas mais sen ningunha dotación económica, e finalmente o inicio das obras en 2009. Para o BNG non pode estar o PP orgulloso da súa actuación neste asunto, “aínda que o que mellor fai o Sr. Villares é botar balóns fora, pero é evidente que si as obras foran acometidas cando se anunciaron en 2001, xa fai tempo que estarían rematadas”, sinala o portavoz municipal do BNG Xoán Estúa.
Non vai ser esta rede de saneamento a que evite todos os problemas de inundacións en San Cibrao
Para Estúa, a rede xeral de saneamento non vai evitar as inundacións puntuais en distintos puntos de San Cibrao, “moitos dos baixos e garaxes da vila están por debaixo do nivel do mar e a coincidencia entre a marea chea e fortes choivas xera problemas de evacuación”, por outra banda as redes secundarias de competencia municipal están como están, o nacionalista pídelle a Villares que asuma as súas responsabilidades xa que “dos dous millóns de euros cobrados polo concello do Plan de Investimentos e Infraestruturas asinado con promotores en 2006, o de menos foi investir en saneamento”. No mesmo sentido Estúa, lembrou que é o concello quen concede as licenzas de construción, e á vista do que sucede, “non se tiveron en conta tódolos aspectos técnicos que deberían contemplar os proxectos”
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
