FOZ .- A Asociación de Veciños “O Castro” de Foz denuncia publicamente o caos de tráfico na vila. Tal e como vimos facendo desde que empezaron as obras de canalización na Avenida da Mariña, esta Asociación de Veciños quere denunciar que segue a manterse a situación de caos circulatorio na nosa vila, sen que desde o Concello se faga nada por evitalo.
O 27 de novembro iniciáronse as obras na segunda parte da Avenida da Mariña o que motivou o seu peche total, salvo para acceso a residentes, e o funcionamento da Avenida Álvaro Cunqueiro como rúa de dobre sentido, así como o peche da rúa García Lorca, permitindo o estacionamento de vehículos nos dous lados da mesma. Evidentemente, os usuarios destas rúas (é dicir, a práctica totalidade da xente de Foz así como a xente de outros lugares que desenvolve aquí o seu traballo ou fai as súas xestións e compras) debemos ter paciencia e calma mentres duren as obras, tal e como nos pide o noso Alcalde a Policía Local, pero tamén é claro que esta reorganización do tráfico rodado debe ser totalmente regulado e controlado ben por membros da Policía Local ou ben por medio de semáforos, ademais de estudar ben como se debe sinalizar para evitar problemas. Resultou curioso que o anuncio do dobre sentido da Álvaro Cunqueiro se fixese mediante carteis postos o día 25 pola tarde informando que “probablemente” a partir do día 26 se iniciaría a nova situación.
Desde a Asociación de Veciños “O Castro” observamos como puntos conflitivos e posibles solucións os seguintes:
– O cruce Álvaro Cunqueiro – Concello de Barreiros con Concello de Ribadeo e Rúa de Lugo. Trátase dun punto de grande afluencia por ser entrada ou saída da vila así como de grande utilización para os veciños. Continuamente se producen situacións de risco debido á pouca visibilidade que ten así como ó seu trazado, polo que desde esta Asociación proponse a súa regulación por parte de axentes da Policía Local ou ben por medio da reprogramación dos semáforos existentes e instalación doutros provisionais.
– A Rúa de Lugo. Actualmente atópase pechada en dirección á Praza Salgado Toimil, excepto para residentes, o cal provoca que se unha persoa ten que acceder á avenida Valle Inclán ou á Avenida da Mariña ou a calquera das rúas desa zona (recordemos que hai un colexio), ten que dar toda a volta pola explanada do porto, o cal supón unha perda de tempo importante. Esta Asociación non entende o peche desa rúa, que ademais está sinalizado cunhas vallas que obstaculizan o acceso dos residentes, xa que fai que os vehículos teñan que facer un quebro que pon en perigo a seguridade dos seus ocupantes, dos ocupantes de outros vehículos e dos peóns. A solución pasaría por proceder á apertura desa rúa coa indicación de que a avenida da Mariña se atopa pechada por obras.
– Rúa García Lorca. Neste momento a rúa atópase pechada ó tráfico excepto para residentes, estando permitido o tráfico nos dous sentidos, permitindo o estacionamento de vehículos nas dúas beiras. Nesta rúa atópanse tres garaxes (o dun supermercado e os de dous edificios de vivendas), privados os tres, pero os tres de grande afluencia durante todo o día. Ademais esta rúa é moi utilizada polos peóns que acceden ás súas vivendas e os establecementos situados nesta rúa e na avenida da Mariña. Hai situacións de risco cada vez que un vehículo accede a esta rúa e outro quere saír, xa que o estacionamento de vehículos impide o funcionamento do dobre carril, ademais está continuamente colapsada polos vehículos de carga e descarga e todos os días hai problemas xa que non se están a respectar os vados que existen. A solución pasa por prohibir o estacionamento nunha das dúas beiras, establecer un horario de carga e descarga e proceder a sancionar os vehículos mal aparcados.
– Cruce Álvaro Cunqueiro con rúa García Lorca. O estacionamento dos vehículos no mesmo cruce impide a visibilidade para acceder á avenida. A solución pasaría por prohibir o estacionamento nunha franxa suficiente. Este problema non é de agora, xa que esta Asociación xa o denunciou, sen que se nos fixera caso, e agora vese agravado polas obras e o dobre sentido da avenida Álvaro Cunqueiro.
– Glorieta de Vilalba. O cruce converteuse nun serio perigo para todos os usuarios, ben sexan vehículos, ben sexan peóns. A sinalización non é suficiente e provoca erros graves. Esta Asociación comprende que é un cruce de difícil organización, pero non por iso entendemos que deixa de ser perigoso, esixindo ó Concello a súa regulación por medio de axentes da Policía Local.
En conclusión, desde a Asociación de Veciños “O Castro” de Foz constatamos a existencia de graves riscos motivados polas obras de canalización na Avenida da Mariña que motivaron a reorganización do tráfico. Pero tamén vemos que hai solución a todos os problemas existentes por medio dunha mellor sinalización, máis información ós usuarios da vía e con regulación do tráfico por medio de axentes da Policía Local e semáforos. Con este motivo, entre outros, a Asociación de Veciños “O Castro” de Foz solicitamos o día de onte unha reunión co Alcalde a fin de expoñerlle as nosas preocupacións e as nosas posibles solucións, esperando que nos reciba o antes posible.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
