ALFOZ .- A Liga Céltiga Galaica (LCG) convocou a súa asemblea anual o vindeiro sábado, 12 de decembro, ás seis da tarde, no Bar San Pedro, na parroquia de Mor, en Alfoz. Posteriormente celebrarase unha cea de confraternidade no mesmo local, ás dez da noite. A LCG é unha asociación cultural-ecoloxista de ámbito galego, con sede na Coruña. Na bisbarra do Valadouro céntrase no estudo, difusión e protección do patrimonio arqueolóxico e natural, através da revista O Prado das Chantas e de roteiros in situ
NOTA DE PRENSA DA LCG
A Liga Céltiga Galaica (LCG) vai celebrar a súa asemblea anual o vindeiro sábado 12 de decembro, ás 18:00 h., no Bar San Pedro, na parroquia de Mor, en Alfoz.
Ese mesmo día celebraráse unha cea de confraternidade nese mesmo local, ás 22:00 h.
A xuntanza vai contar coa presenza do presidente nacional do colectivo, Manoel Camba Gaioso, quen estará toda a fin de semana na bisbarra do Valadouro pra manter contactos cos responsábeis doutros colectivos sociais, cara ao estabelecemento de posíbeis alianzas estratéxicas no eido ecoloxista e a defensa do patrimonio cultural.
Na asemblea debatiráse o programa de traballo prao 2010 e nomeadamente o modelo de colectivo que desexan os socios prá bisbarra do Valadouro, xa que dende marzo do 2005 (cando sae á luz por vez primeira a revista local O Prado das Chantas) o número de socios medrou exponencialmente, ao actuar o boletín mensual como catalizador.
Unha boa parte dos socios pretenden reformular o funcionamento cotián da LCG nos concellos de Alfoz e Ferreira aproveitando a súa implantación no val do río Ouro, e camiñar cara a conversión do colectivo nunha forza social reivindicativa en todos os eidos sociais, superando deste xeito -sen abandonalos- os ámbitos ecoloxista e cultural.
O Concello de Navia presenta este sábado 28 de febreiro, ás 12:00 h no Casino, o libro Tras las huellas de Campoamor en Alicante, de Luján Martínez Suárez. Ademais, adquiriu un valioso volume da RAE de 1865, que inclúe un discurso seu orixinal. O exemplar incorporarase á Biblioteca Municipal, ampliando o fondo dedicado ao poeta.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
