BURELA (FNC) .- O Concello lembrará cun bando as obrigas e as responsabilidades dos propietarios de cans para que recollan os excrementos que deixan en rúas e parques. O alcalde tamén anuncia a edición de folletos informativos ou dípticos cos servizos que presta Celta Prix. Destes asuntos falou Alfredo Llano coa directiva da asociación O Vencello na xuntanza que mantiveron nas últimas horas.
O rexedor contou que “falamos de temas xerais que lle afectan a Burela, por exemplo dos cans e dos animais de compañía, queixáronse de que fan as súas necesidades na rúa e nos parques sen que os seus propietarios as recollan, cando todo o mundo sabe que ten que retirar os excrementos e depositalos nos contedores habilitados para este fin. Nós acordamos lembrar cun bando as responsabilidades dos propietarios de cans, e tamén insistiremos en que os poderán censar no Concello para saber cantos hai e cómo se pode chegar a eles cando teñamos que enviarlles algún tipo de información”.
Alcalde e directivos de O Vencello “tamén analizamos o bó emprego dos contedores, porque hai moitos veciños que ás veces non coñecen todos os servizos que presta Celta Prix e deixan o cartón días antes dos previstos para a súa recollida na rúa e si chove desfaise fácilmente. Tamén quedamos a través de octavillas ou de dípticos dar información sobre eses servizos, e aproveitaremos para insistir na necesidade de seleccionar e de reciclar o lixo que se xenera nos fogares e para informar dos días no que se recolle o cartón, ou dos voluminosos que se depositan no punto limpo”.
Plan xeral, porto e hospital
Alfredo Llano sinalou que “falamos do PXOM e da súa evolución, agora que imos ter unha xuntanza o vindeiro 14 de decembro, invitamos a todos os veciños a que asistan a este encontro para que vexan que actuamos con transparencia. Xa hoxe mandei unha invitación formal para que veñan a esa xuntanza ás cinco da tarde. Falamos tamén das obras de acceso ao porto, todo o mundo sabe que están paradas para realizar unha modificación do proxecto que incluirá un desvío da vía do tren, dado que o terreo non aguanta e por iso hai que facer ese cambio”.
Os representantes veciñais expuxéronlle ó alcalde “a súa preocupación pola falla de información nas estradas e nas autoestradas cercanas do noso concello, non hai moitas sinalizacións ou indicadores co nome de Burela. Falaremos con responsables de Fomento para que se teñan en conta as nosas peticións”.
O alcalde de Burela suliñou que “tamén hai preocupación polo futuro do Hospital da Costa, non queremos que se perdan servizos, senón que se aumenten, tamén lles falei da miña preocupación pola pediatra do centro de saúde que agora se lle acaba o contrato e é necesario que se lle renove, e que se faga a tempo completo. Queremos ter en conta as súas suxerencias e que eles tamén teñan presentes as nosas e que así cheguemos a unha mellora sustancial do concello de Burela”.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
