RIBADEO (FNC) .- Ribadeo contará en breve con tres rutas de sendeirismo que discorrerán pola costa, polo interior e pola ría. É un proxecto que se enmarca dentro da Reserva da Biosfera Río Eo, Oscos e Terras de Burón, segundo ven de anunciar o concelleiro de Medio Ambiente, Horacio Cupeiro.
O edil nacionalista subliñou que “imos facer unhas rutas de sendeirismo a conta da Reserva da Biosfera cos 50.000 euros que nos foron asignados para este ano 2009. Van descorrer a través de varias parroquias, e vanse denominar como ruta da costa, ruta interior e ruta da ría. A ruta da costa irá entre Ribadeo, Rinlo e As Catedrais, a da ría partirá de Ribadeo e rematará en O Vilar en Ove e a do interior irá de Ribadeo a Remourelle”. Cupeiro explicou que “todo esto farase con moita sensibilidade e coas autorizacións pertinentes xa que se trata de zonas moi protexidas. Estes días estivemos co director do Ibader (Instituto da Biodiversidade) Pablo Ramil, visitando eses trazados porque quixo coñecer in situ esas rutas, orientounos, estamos a tomar as medidas que nos dixo e dentro dunha semana coñeceremos a viabilidade e o desenvolvemento de ditas rutas”.
Dentro do mesmo proxecto “imos tamén terminar o Muiño de Ignacia, imos poñer uns paneis explicativos e a instalación eléctrica cunha dínamo de corrente continua para que poida iluminar e facelo desde o punto de vista didáctico. Queremos colocar unha barandilla na ponte e selar a balsa de auga, para que non se escape a que chega do río”, seguiu a relatar o delegado de Medio Ambiente.
Horacio Cupeiro engadiu que “imos editar trípticos para orientar á xente polas rutas, e colocaremos paneis informativos sobre a fauna e a flora… aproveitaremos para colocar outros que están deteriorados e rotos como os da Casa da Ría. Esto temos que facelo todo con moita sensibilidade e temos que seguir defendendo este territorio como sexa”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
