Veciños de Viveiro participaron no programa Km0
LUGO .- Unhas 11 mil persoas redescubriron a provincia de Lugo durante o ano 2009 co programa medioambiental da Deputación Km0. A Deputación tamén oferta as opcións denominadas Compostela e Xtreme. Neste último caso, permite coñecer Lugo a través da multiaventura e do deporte.
Nota de Prensa
Unhas 11.000 persoas redescubriron a provincia en 2009 con Km0
– Preto de 300 veciños participan nas últimas dúas rutas deste ano organizadas dentro do programa medioambiental
– A Terra Chá, O Piornedo e Monforte de Lemos, destinos esta semana da iniciativa que promove a Deputación
Unhas 11.000 persoas redescubriron a provincia en 2009 grazas ó programa medioambiental da Deputación Km0. A iniciativa, que está a ser todo un éxito, está formada por outras dúas modalidades: a Compostela e Xtreme. Neste último caso, que permite coñecer Lugo a través da multiaventura e do deporte e que foi inaugurada no mes de setembro en Ribadeo polo Presidente da Deputación, José Ramón Gómez Besteiro, as actividades máis demandadas foron tres rutas: “helicóptero”, “tirolina” e “a cabalo”.
En total, unhas 200 persoas elexiron a ruta que inclúe unha visita en helicóptero e que permite coñecer a provincia dende as tres bases: A Mariña –con base en Ribadeo-, Lugo Centro –na zona de Rozas- e zona sur –con base en Tor-. Polo que respecta ás de “tirolina” e “a cabalo”, estas contaron con medio cento de participantes.
O innovador programa está a superar todas as expectativas. De feito, son varias as administracións e Deputacións españolas que xa amosaron o seu interese polo seu desenvolvemento. Nestes momentos, a organización da iniciativa xa ten cuberto o cupo de prazas ata mediados do mes de maio, de tal xeito que cando remate a segunda fase, prevista para xullo de 2010, chegarase ós 22.000 participantes.
Últimas rutas de 2009
Un grupo da Asociación de Veciños de Tirimol e a outro do Seminario de Estudos de Terra de Viveiro foron recibidos este martes no Pazo de San Marcos, dentro de Km0. No primeiro caso, logo de seren recibidos nas instalacións provinciais, percorreron as instalacións do Centro de Artesanía e Deseño. A continuación, os 48 integrantes desta Asociación desprazáronse ata a zona sur da provincia, onde visitaron o Pazo de Tor, o Museo do Ferrocarril, os xardíns “Compañía” e o río Cabe.
Pola súa banda, ós 48 veciños de Viveiro coñeceron a oleiría de Bonxe. Asimesmo, visitaron as Pallozas do Piornedo, o pobo e a igrexa de Donís.
O mércores, 48 integrantes da Asociación de Veciños “Parroquia de Arroxo” de Sober optarán pola ruta “O Pedregal”, que inclúe unha visita á área recreativa de Fonmiñá e á igrexa de Santa María de Meira. Dentro dos centros dependentes do organismo provincial, o elexido será o Centro de Interpretación Terras do Miño.
Ese mesmo día, 48 membros da Asociación de Mulleres Rurais “A Xuntanza” de Castro de Rei decantaranse polo Concello de Xermade. Despois de visitar o CENTRAD, percorrerán o parque eólico de Sotavento e visitarán a charca de Alligal. Estas catro rutas, incluídas no programa medioambiental da Deputación, son as últimas que se desenvolveran en 2009.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
