BURELA (FNC) .- O goberno do Concello de Burela presentará no pleno da vindeira semana unha moción para que o servizo de autopsias retorne de xeito inmediato ao Hospital da Costa.
A tenente de alcalde, Neves Cando, lembrou que “a comezos do pasado mes de xullo o deputado do PP José Manuel Balseiro dicía nos medios de comunicación que a realización das autopsias en Lugo era unha situación provisional motivada pola dificultade de cubrir a praza de médico forense vacante no Hospital da Costa”. A edil nacionalista alerta que “pasados xa máis de sete meses esta situación de provisionalidade leva camiño de converterse en indefinida pola falla de interese político que sobre este tema teñen os dirixentes do PP na Xunta de Galicia. Hoxe coñecíamos con sorpresa que este mesmo deputado mariñán presentará unha pregunta no parlamento galego para saber cando se reanudará este servizo en Burela sen máis esixencias nin máis presas”.
Amnesia política do PP
Neves Cando considera que “a amnesia política da que gozan agora os dirixentes do PP contrasta coa utilización tamén política que no seu momento fixeron co sufrimento das familias en relación co servizo de autopsias. Non hai que esquecer que foi o PP quen creou no 2005 o Instituto de Medicina Legal que se encarga, entre outras cuestións, da realización das autopsias e centraliza as de toda a provincia en Lugo capital”. A tenente de alcalde subliña que foron os populares os responsables de dito traslado e engade que “este instituto foi posto en funcionamento e dotado de medios no ano 2006 aplicando o establecido no decreto elaborado polo PP, pero dada a petición unánime dos colectivos sociais e co apoio de todos os partidos políticos no parlamento galego o 1 de setembro de 2007 Burela e o conxunto da Mariña recuperou este servizo. E para conseguir esto revisáronse os criterios científicos e organizativos que establecera o PP no seu decreto e que supuxeran esa centralización das autopsias en Lugo para así poder atender as peculiaridades da nosa comarca en canto a distancias xeográficas coa capital e a densidade de poboación que ten a Mariña de Lugo”.
A concelleira nacionalista segue a relatar que “despois das eleccións de marzo o servizo volve a centralizarse en Lugo poñendo como escusa as prazas vacantes que non se dan cuberto e dicindo que será unha situación transitoria, pero a día de hoxe nada sabemos de cando se recuperará este servizo perdido en Burela e en toda a Mariña. E por eso desde o equipo de goberno solicitamos que as autopsias de volvan practicar de maneira inmediata aquí no Hospital da Costa para evitar os longos traslados a Lugo e as dolorosas esperas para as familias”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
