CERVO .- O concelleiro de Deportes de Cervo, Rubén Fernández Rouco, cualificou de “alarmistas” as criticas feitas polo grupo municipal socialista sobre a situación na que se atopa a piscina olímpica municipal, e asegurou que as manifestacións socialistas “raian a irresponsabilidade”.
Nota de Prensa
FERNÁNDEZ ROUCO LÉMBRALLE AOS SOCIALISTAS QUE OS CATRO ANOS DE XUNTA BIPARTITA AS AXUDAS PARA A PISCINA FORON NULAS
* O concelleiro de Deportes rexeita as criticas do Psoe local e asegura que a instalación cervense está a un nivel “máis ca aceptable” para unha infraestrutura destas dimensións e costes de mantemento
Cervo, 30 de xaneiro de 2010.- O concelleiro de Deportes no Concello de Cervo, Rubén Fernández Rouco, cualificou de “alarmistas” as criticas feitas polo grupo municipal socialista sobre a situación na que se atopa a piscina olímpica municipal. Segundo o responsable local de Deportes, as manifestacións socialistas “raian a irresponsabilidade”.
Na súa opinión, parece coma se o PSdeG cervense estivera especialmente interesado en desacreditar as instalacións de Lieiro “pondo en tela de xuízo diante da opinión pública a seguridade do inmoble de xeito gratuíto e sen ningún fundamento máis que o de levantar réditos políticos sen pararse a valorar as consecuencias das súas palabras”
Neste senso asegurou que a piscina cervense está á altura de calquera outra da comarca e cualificou de “verdadeiramente irresponsable” a decisión tomada no seu día polo PSOE local de acometer a construción desta infraestrutura nun municipio de 5.000 habitantes “en contra da opinión pública polo desmesurado das súas proporcións, sen sopesar realmente as consecuencias económicas que se derivarían dela e as cales a día de hoxe aínda seguimos pagando”.
“Faime gracia -indicou Fernández referíndose ao socialistas- escoitalos dicir que a axuda outorgada pola Secretaría Xeral para o Deporte para arranxar a piscina non é máis que un parche cando resulta que esa axuda, conseguida en menos dun ano de lexislatura do actual goberno da Xunta, é superior en 58.000 euros a todo o que logramos acadar do Goberno bipartito nos catro anos que estiveron á fronte da Xunta. Por iso, hai que lembrar que cando o seu partido tivo oportunidade de colaborar e de implicarse na mellora e mantemento da piscina non fixeron absolutamente nada, excepto criticar ao Concello e tentar que a piscina esmorecera e agora, cando recibimos esta axuda de 58.000 euros, aínda teñen folgos para saír a criticarnos”.
Por último Rubén Fernández asegurou que o Concello “lonxe de deixala no esquecemento” continúa a facer xestións para proseguir coas melloras da piscina “porque a pesares do custo que supón o seu mantemento, o goberno local non escatimara esforzos en garantir este servizo” asegurou. Ademais, invitou aos socialistas a “trocar de actitude” e “arrimar o hombro” nesta tarefa. “Desde que esta piscina se inaugurou dixemos que era unha obra faraónica e desmesurada que só tiña por obxecto acadar réditos políticos. Despois de 12 anos parece que os mesmos que a promoveron pretenden seguir utilizándoa como arma política en lugar de colaborar de xeito decidido na súa mellora” concluíu.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
