LUGO .- A rede de estradas dependente da Xunta na provincia de Lugo estaba totalmente aberta ao tráfico dende o mediodía de hoxe. O operativo especial disposto no territorio lucense dispuxo de máis dun cento de profesionais, que contan á súa disposición dunha ducia de camións quitaneves, e que están traballando arreo dende o día 6 de xaneiro, coincidindo coa vaga de nevadas que afectan a Galicia, do mesmo xeito que ao resto do país.
O dispositivo despregado na provincia a través da Consellería de Medio Ambiente, Territorio e Infraestruturas está a responder de xeito eficiente as condicións especiais que presentan os viais lucenses de titularidade autonómica. As condicións excepcionais deste temporal, que deparou nevadas e aparición de placas de xeo sobre o asfalto en puntos situados mesmo ao nivel do mar, obrigou a responder con celeridade para solventar os problemas que se presentaron en puntos pouco habituais como Terra Chá ou A Mariña.
A primeira hora da mañá, só nos puntos máis altos da rede era necesario o uso de cadeas nos automóbiles para transitar polas estradas, caso por exemplo do Poio, O Cebreiro e San Roque. “Co obxectivo de preservar as condicións de seguridade para os traslados pola rede viaria das estradas fronte ás inclemencias deste temporal estanse ofrecendo respostas inmediatas e eficaces mediante a retirada da neve ou a distribución de sal alí onde se requiren en cada momento”, sinalou a delegada territorial, Raquel Arias.
Nos tres días transcorridos dende o inicio deste temporal repartíronse xa preto de mil toneladas de sal polos 1.550 quilómetros de vías controladas pola Xunta en Lugo. Para elo empregáronse 11 silos estratexicamente distribuídos pola provincia. Os silos de sal están situados no Corgo, Pedrafita, Xermade, A Pastoriza, Quiroga, Begonte, Castroverde, Chantada, O Incio, e dous na Fonsagrada. Con este reparto, gáñase en operatividade, chegando canto antes aos puntos que presenten algunha dificultade para o tráfico, pero tamén procurar a eficiente distribución do material. A meirande parte dos silos teñen capacidade para albergar 60 toneladas de sal, aínda que algúns poden acoller ata 100 toneladas.
Así mesmo, Arias aludiu a que a situación nas estradas dependentes da Xunta foron subsanados e destacou á “intensidade excepcional deste temporal que afecta non só a Galicia, senón a toda España e a varios países do continente”. A delegada territorial puxo como exemplo das condicións que ata o momento deparou este temporal os peches puntuais “que se produciron na A-6, a principal arteria de conexión de Galicia coa Meseta, en estradas dependentes da Deputación na zona oriental ou mesmo nos concellos de Lugo e Santiago”.
Neste sentido, as queixas amosadas por representantes da Deputación lucense con relación ao estado dos viais dependentes da Xunta resultaron segundo Arias “un reflexo de actitudes de escasa vocación de servizo ao cidadán”. “O primeiro é estar enterados da situación e atender ás necesidades do pobo. Pero parece que hai xente que sacrifica esas prioridades para volcar pretensións políticas, chegando case ao punto de culpar á Xunta de que neve en toda Europa e existan localidades illadas en España”, concluíu.
Durante a próxima noite, as provincias de Lugo e Ourense estarán en alerta laranxa debido ás baixas temperaturas. Por este motivo, recoméndase tomar medidas de prevención e intentar evitar os desprazamentos por estrada na medida do posible, xa que as xeadas poden dificultar a circulación. De ser necesarios, é importante extremar as precaucións e consultar o estado das estradas antes de emprender a viaxe.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
