BURELA (FNC) .- A tenente de alcalde tilda de austeros e racionais os presupostos do Concello para este ano. Neves Cando suliña que, ainda que se reducen polo descenso da recadación procedente dos impostos derivados da construcción o Concello, seguirán atendendo e ampliando as prestacións sociais que lles ofrecen aos veciños. E rexeita as críticas verquidas nas últimas horas desde o PP.
A edil nacionalista asegura que os orzamentos de 2010 “son austeros, racionais e atenden ás necesidades sociais da nosa poboación. Son sensiblemente inferiores aos do ano pasado pola perda de recaudación nos impostos derivados da construcción, pero seguen atendendo e incluso ampliando nalgúns casos as prestacións sociais que desde o Concello ofrecemos aos nosos veciños e veciñas”. A tenente de alcalde sinala que “en Burela apostamos por manter e aumentar as prestacións para os nosos maiores, as familias e a infancia e tamén en materia de educación, igualdade, inmigración e prevención e atención a drododependencias, entre outras. Estas son as nosas prioridades e ao mesmo tempo facer unha contención do resto do gasto público, porque estamos en momentos difíciles para todos, pero eso non implica que recortemos os nosos servizos sociais”.
Inversións reais
Neves Cando di que “isto é algo que o grupo municipal do PP na súa análise dos orzamentos non é capaz de apreciar, porque non os debe ter moi mirados e só lle interesa a crítica pola crítica sen analizar detidamente os papeis, e non é por falla de tempo porque leva con toda esta documentación cinco días na casa. Fala o PP dun orzamento pírrico en inversións reais, pero gustaríame que a xente coñecese a seguinte comparativa, cando na época das vacas gordas na construcción en Burela e gobernando o PP se calculaba recaudar 1.300.000€ polo imposto de construcción, que era o 20% dos ingresos totais do Concello, o PP só destinaba 300.000 euros a inversións reais. E con ese mesmo nivel de recadación polo imposto de construcción é dicir 1.300.000€ nós destinamos máis do dobre para inversións reais no 2008”. A tenente de alcalde de Burela pregúntase en qué gastaban os cartos os populares se non o facía en inversión reais “e agora son momentos difíciles para a construcción e nós só prevemos ingresar 100.000 euros polo imposto de construcción, é dicir 10 veces menos que hai anos e sen embargo imos destinar preto de 150.000 euros a inversión reais. Esta proporción parécelle pírrica ao PP, q ue tamén oculta os máis de 700.000 euros en obras e investimentos que suporá o plan E para Burela, que xurdiu precisamente co obxectivo de paliar o recorte de ingresos dos Concellos”.
Neves Cando engade que “ésta solo é unha das moitas inexactitudes que o PP verque sobre os orzamentos municipais porque non os ten moi ben mirados ou non se entera moito das cousas. Di o PP que os presupostos foron inflados con subvencións sen confirmar documentalmente e incluindo a aportación social do plan estatal. Os populares demostran a súa ignorancia sobre o plan E, porque éste mesmo esixe que se incorpore aos orzamentos este gasto social subvencionable. E con respecto ás subvencións facemos unha estimación sobre o que ingresamos o ano pasado por este concepto, que foron máis de 800.000 euros que xestionamos en subvencións para persoal, obras e servizos. Ése é o noso aval de traballo e xestión, outros ao mellor non poden dicir o mesmo”.
Guerras internas
A edil nacionalista tamén se referiu ás declaracións dos populares nas que aseguraban que os orzamentos de 2010 son o reflexo da guerra interna no seo do goberno municipal porque hai concellarías que levan máis cartos que outras “pero esta enfermiza obsesión do PP xa non nos estrana porque non viven na realidade. Por esa regra de tres que eles din, no ano 2006 moi mal se debían levar entre o alcalde daquela o señor González Barcia e os seus concelleiros porque había delegacións como a de Cultura que levaba 6.500 euros para gastos diversos e as de Turismo e de Mar que levaban 1.500 euros cada unha e sen embargo a de Xuventude só tiña para este fin 600 euros, a de Sanidade só 250 e a de Educación só 200. Eso sí que debían ser guerras internas”.
Cando suliña que “si de verdade o PP de Burela está preocupado polas familias que están a atravesar momentos difíciles pregámoslle que presente unha moción no pleno para que o goberno da Xunta, que ten moitos máis miles de millóns de euros que o Concello de Burela e que os está a gastar alegremente en comprar coches, en enquisas e en promocionar o Xacobeo, axude ás familias máis necesitadas e cree emprego como prometeu o señor Núñez Feijoo. Si se decide a facer esto o PP apoiarémolo porque nós estamos a traballar por Burela para facer obras, para traer cartos e servizos e non así o PP, tal e como consta na acta da comisión de asuntos de pleno deste luns, o seu portavoz, o señor González Barcia dixo literalmente que non lle pidamos á representación municipal do PP que traiga cartos para Burela, que non conten con eles. Isto é o que ten que esperar o pobo de Burela do PP que con eles non se conte, eles pensan que é un desprezo para o goberno local, pero a quen están a desprezar é ao pobo de Burela”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
