CERVO .- Técnicos do Concello de Cervo farán a longo dos vindeiros días comprobacións da potencia da sinal da TDT nos núcleos de Daián e Figueirido, poboacións do municipio que presentan as maiores dificultades para a recepción desta sinal.
Segundo explicou o rexedor, Alfonso Villares, estas medicións lévanse nestes días aproveitando a posta en marcha do novo reemisor principal do veciño concello de Burela. “O que pretendemos é coñecer de xeito pormenorizado si a posta en funcionamento deste reemisor en Burela pode beneficiar a calidade da sinal nestes dous núcleos, os cales están moi preto do lugar onde está situado o devandito reemisor. Non sendo así, poñerémonos en contacto coa administración autonómica para solventar as posibles carencias nestes dous burgos” indicou o alcalde cervense.
Villares dixo que no caso de continuar existindo zonas de sombra a pesares da posta en funcionamento do reemisor de Burela, o Concello garantirá a recepción da sinal da televisión dixital terrestre para estes dous burgos. “Miraremos, xunto coa Xunta, a posibilidade de instalar un microreemisor que nos permita solucionar a problemática que temos nestes dous núcleos” adiantou.
Por último, o alcalde cervense criticou o proceder do Goberno central á hora de levar adiante a transición á TDT nas localidades de menos de 50 habitantes -coma o caso de Daián e Figueirido-. “Nos Concellos -asegurou- é onde empezan e rematan todos os problemas da xente. Resulta chocante ver como a administración estatal decide unilateralmente cortar a sinal analóxica sen resolver o problema económico daquelas persoas que viven en núcleos de menos de 50 habitantes e que por estar en zonas de sombra van a ter que costear en cada domicilio entre 400 e 600 euros por uns dispositivos de recepción vía satélite”.
O cambio resulta necesario porque a instalación das atraccións impide o paso dos camións de recollida por estes puntos. O contedor situado na Travesía Granxas trasladarase á avenida de Vilalba, mentres que o instalado na rúa Antonio Roca pasará á rúa Suasbarras. Ademais, o Concello reforzará a dotación de contedores no Campo da Festa e no Campo da Pascua, onde se colocarán máis unidades para atender o incremento de residuos previsto durante a celebración. Desde o Concello agradécese a comprensión á veciñanza polos cambios realizados e lémbrase a importancia de depositar os residuos nos contedores situados nas novas localizacións, co fin de facilitar o correcto funcionamento do servizo de recollida.
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
O festival terá lugar os próximos 1, 2, 3 e 4 de xullo na parroquia de Celeiro do concello costeiro, que volverá acoller este popular evento cultural centrado na música punk, metal e hardcore.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
